assit takukkit
MIO-p angalanerani Simon Lynge tusarnaartitsisoq
Meeqqat Inuusuttullu Oqaloqatigiittarfiata angalaneranut atatillugu nipilersortartoq Qaqortumi tusarnaartitsivoq
Meeqqanut ambassadøri Simon Lynge peqatigalugu MIO-p kujataanut angalanini Qaqortumi meeqqanut ilaqutariinnullu tusarnaartitsinermik aallarnerpaa.
Qaqortumi ippassaq sapaammi tamanna pivoq.
Musikvideo takuuk: Meeqqat pitsaasumik inuuneqarnissaminnut pisinnaatitaaffeqarput
Sumiiffiit arfinillit
- Kujataaniinnitsinni meeqqat inersimasullu naapinnissaat meeqqallu atugaat paasisaqarfiginissaat qilanaareqaarput. Neriuppugullu innuttaasut amerlasuut periarfissaq una atorlugugu meeqqat atugaannik oqaluttuukkiartussagaatigut, taamaasilluni MIO meeqqat atugaannut nukittorsaaqataasinnaaniassammat, meeqqat illersuisuat Aviâja Egede Lynge, tusagassiuutinut nalunaarummi oqarpoq.
MIO angalanermini sumiiffinni ukunani naapinneqarsinnaassaaq:
Qaqortoq, Narsaq, Nanortalik, Alluitsup Paa, Aappilattoq, Qassiarsullu.
Allaaserisap ataani assit takukkit