Skip to main content

MIO-p akissarsiaritittagaa 'Peqatigiiffik Qajaq'-mut tunniunneqarpoq

Ataasinngormat MIO'p ukiumoortumik akissarsiaritittagaa peqatigiiffimmut meeqqanut inuusuttuaqqanullu unamminarsinnaasunik sammisassaqartitsisartumut, tunniunneqarpoq.

Peqatigiiffik 'Peqatigiiffik Qajaq Nuuk', meeqqanut inuusuttuaqqanullu unamminarsinnaasunik sammisassaqartitsisartoq, ukioq manna MIO-miit akissarsitinneqarpoq.

Akissarsititsineq Nuummi kulturikkut illorsuarmi Katuami ataasinngormat pivoq.

- Peqatigiiffik taannarpiaq MIO’mit akissarsitinneqarmat assorsuaq nuannaarutigaara. Peqatigiiffiup akissarsiaqarani nammineq piumassuseq aallaavigalugu ingerlanneqarneratigut meerarpassuit inuusuttorpassuillu assassornertigut tarnikkullu unamminartunik aallussinerminni timikkut tarnikkullu kivinneqartarput. Inuppassuit ullumikkut qunugisaannik imminnut unammillertarput. Tamannalu assorsuaq kusagaara pilluaqqorujussuarpakkalu tamaasa, meeqqat illersuisuat Aviâja Eged akissarsititsinermut atatillugu oqarpoq.

Meeqqat 50-it tikillugit amerlassusillit ullumikkut Peqatigiiffik Qajaq Nuuk ornittagaraat, qajartortarlutik, timigissaqatigiittarlutik, aallusseqatigiisinneqartarlutillu. Meeqqat ineriartortarput, nutaanik ikinngutitaartortarput ataatsimoorlutillu naleqartitanik pitsaasunik sunngiffimminni kulturikkullu inuunermut attuumassuteqartunik misigisaqartarput.

Akissarsiaq 20.000 koruuninik aningaasartalik, ukiut tamaasa meeqqat pisinnaatitaaffiinik illersuiniaqatigiiffimmit MIO-miit tunniunneqartarpoq. Peqatigiiffik akissarsitinneqartoq Kommuneqarfik Sermersuumik suleqateqarpoq pinaveersaartitsisinissarlu
siunertaralugu ingerlanneqarluni.

Akissarsititsinerup saniatigut naleqartitat pillugit paasititsiniaanermik MIO ammaassaaq, tassani Kalaallit Nunaanni innuttaasut
meeqqanik perorsaanerminni naleqartitaat isumaallu pitsaasut sammineqassapput.

Allaaserisap ataani MIO-p akissarsititsineraniit assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER