Skip to main content

MIO-mik nersornaasigassaqqittut ujartorneqarput

MIO-p inummut peqatigiiffimmilluunniit meeqqanik immikkut ittumik sullissisimasumut nersornaasiuttagaanik tunniussinissaq qanilliartorpoq

MIO, ’Meeqqat Inuusuttullu Oqaloqatigiinnittarfiat’, meeqqanut immikkut ittumik sullissisimasumut ukioq 2014-mi nersornaasiinissaa ungasigunnaarpoq.

Taamaattumik MIO-mit maanna kikkut tamarmik kaammattorneqarput, meeqqat, inuusuttut inersimasullu, kimut nersornaammik tunniussisoqarnissaannut kaammattuuteqaqqullugit.

- Nersornaasigassat tassaasinnaapput inuit ajornartorsiutinut imaaliallaannaq aaqqinneqarsinnaanngitsunik periarfissaaleqigaluarlutik nutaamik isummersorlutik aaqqiissutaasinnaasunik ujartuillutik piviusunngortitsisut. Meeqqanik inuusuttunillu immikkut ittumik sullissisuusinnaavoq Ilinniartitsisoq, perorsaasoq, timersornermi sungiusaasoq imaluunniit sumiiffimmi namminerisamik piumassutsini tunngavigalugu suliaqartuusoq, MIO tusagassiuutinut nalunaarummini allappoq.

Atuaruk: MIO-p meeqqanik sullissinermik nersornaataa Inooqat-mut tunniunneqarpoq

MIO-p nersornaasiuttagaa 2013-imi Inooqat nersornaaserpaa. Taanna tassaavoq nuna tamakkerlugu angajoqqaat ineriartornermigut akornutilimmik meerallit peqatigiiffiat. Meeqqat taakku peroriartortarput ajornakusoortunik avatangiiseqarlutik, annikitsuinnarmillu ikiortissaqarlutik.

MIO-mit ilisimatitsissutigineqarpoq innersuutit NGO-t Meeqqat pisinnaatitaafffiinik suliniuteqartut, MIO-p Meeqqat siunnersuisoqatigiivi, NunaFonden, MIO-p Young Advisors aamma Meeqqat Illersuisuat Aaja Chemnitz Larsenimit nalilersorneqarumaartut. 

MIO-p nersornaasiuttagaa 2014 tunniunneqassaaq ulloq 20. november 2014, FN-ip Meeqqanut isumaqatigiissutaata 25-nngortorsiornera malunnartinniarlugu.  

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER