Skip to main content

MIO: Meeqqat tamassi pilluaritsi

Ukiut tamaasa juunip aallaqqaataani nunarsuarmi tamarmi meeqqat ulluat nalliussineqartapoq, tamannalu pisarnertut nuna tamakkerlugu nalliussineqarpoq

Meeqqat Ulluanni Meeqqat Siunnersuisoqatigiivisa, Meeqqat Oqaaseqartartuat Aaja Chemnitz Larsen siuttoralugu, meeqqat tamarmik ullorsiorluarnissaannik kissaappaat, Aaja Chemnitz Larsenilu oqarpoq: ”Ullumi meeqqat tamarmik nalliuttorsiutigineqarnissaminnut periarfissinneqarnissaat neriuutigaara, kiisalu pisinnaatitaaffimminnik namminneerlutik inersimasullu ulluinnarni inuunerminnut attuumassuteqarfigisatik aqqutigalugit qulakkeerinnissunneqassasut”.
Ukioq manna kommunini sisamani tamani piffinni 30-ni, illoqarfinni nunaqarfinnilu, arpanneq Kammak ingerlallugu Meeqqat Ulluat nalliussineqassaaq. Arpanneq Kammak tassaavoq Kammagiittap ilaa, meeqqerivinni kiisalu 1.-2. klassini qinngasaarisarnermik pinaveersaartitsiniarluni suliniut.
Minnernut arpannerup Kammaap saniatigut MIOp ulloq nalliuttorsiutiginiarlugu, MIOp meeqqat pisinnaatitaaffiinik qulakkeeriniarneranut atatillugu Ulloriaq Kissaatigisaq aallarnissavaa. Meeqqat kissaatigisamik ilaannik piviusunngortitsiniarlutik Ulloriaq Kissaatigisamut qinnuteqarsinnaapput. Ulloriaq Kissaatigisaq tassaavoq aningaasat MIOmi nammineerluni katersorsimasat, meeqqat pisinnaatitaaffiinik qulakkeeriniarluni aningaasanik amerlanngitsunik agguaassisinnaanermik periarfissaqartoq.
Taassuma saniatigut MIOp ulloq 1. juni 2014 paasisitsiniut MIOp Anguniagaa Nunatsinni meeqqanut 5.000it missaanniittunut ingerlanerliortunut sammitinneqartoq aallartissavaa.
Meeqqat Ulluanni Nunatsinni piffinni assigiinngitsuni meeqqat aaqqissuussissapput, soorlu assersuutigalugu Nakuusa meeqqanut inersimasunullu fiistertitsissaaq, tassanilu kattuffiit meeqqat pisinnaatitaaffiinik sammisaqartut, soorlu MIO, Peqatigiiffik Kalaallit Meerartaat allallu peqataassapput. Ukioq manna Kammak bamse Qaqortumi takuneqarsinnaassaaq, taassumallu Meeqqat Ulluat Qaqortumi nalliuttorsiutigineqarneranut atatillugu peqataaffigissavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER