Skip to main content

MIO meeqqanut atuakkamik saqqummersitsivoq

MIO atuakkamik atuaruminartumik saqqummertitsisimavoq, inersimasut meeqqanik pisinnaatitaaffiit pillugit oqaloqatiginninnerminni aallaavigisinnaasaannik.

MIO-p meeqqanut atuagaq saqqummersitaa qulequtserneqarsimavoq 'Illerpiaasinnaavutit', atuagaq inersimasut meeqqanik pisinnaatitaaffiit pillugit oqaloqatigiinneranni aallaavigineqarsinnaavoq.

Meeqqat Illersuisuata Aviâja Egede Lyngep sivisuumik kissaatigisimavaa atuagaq angajoqqaanit allanillu inersimasunit atorneqarsinnaasoq meeqqat peqatigalugit.

- Atuagaaterput nutaaq nuannareqaara. Atuaruminarpoq, takujuminartuullunilu, tunaartaralugulu inersimasut meeqqaminnik pisinnaatitaaffii pillugit oqaloqatiginninnissaat, qanorlu taakkua isumaqarnersut, Meeqqat Illersuisat tusagassiuutinut nalunaarummini oqarpoq.

Pisinnaatitaaffinnut ilinniut

Atuagaq inersimasunut meeqqanullu allataavoq, aallartillunilu Meeqqat Illersuisuanniit meeqqanut Kalaallit Nunaanniittunut inuulluaqqussummik.

- Atuakkap pisinnaatitaaffii assigiinngitsut allaaserai, ilaatigut "Asanninneqartumik ineriartornissat pisinnaatitaaffigaat” aamma ”Atuarnissat nutaanillu ilikkarnissat pisinnaatitaaffigaat”. Oqaaseqaatit tamarmik nassuiaatitaqarput, assersuutigalugu atuarfik pillugu: ”Isumaqarpoq, meeqqat atuartinneqassasut nutaanillu ilikkagaqarlutik..”. Atuakkap FN’ip Meeqqat Pisinnaatitaaffii pillugit Isumaqatigiissut aallaavigivaa, atorneqarsinnaallunilu inersimasunit meeqqanik pisinnaatitaaffinnik oqaloqatiginnerusuttunit kiisalu inersimasut pitsaasumik paasisaqartippai meeqqat pisinnaatitaaffiisa suunerinik.

Ulluni makkunani atuarfiit, paaqqinnittarfiit, MIO’p meeqqanut pisinnaatitaaffiit pillugit atuakkiaa nutaaq tiguaat. Naatsorsuutigineqarpoq atuagaq kingusinnerusukkut naqiterneqaqqikkumaartoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER