Skip to main content

MIO ikiuukkumatuumut nersornaasiigangajalerpoq

MIO-p nersornaasiuttagaanik ukioq manna kina pissarsissanersoq innersuussuteqarsinnaavutit.

Meeqqat Pisinnaatitaaffiinut Sullissivik MIO inummut imaluunniit peqatigiiffimmut suliniaqatigiiffimmulluunniit, meeqqanut immikkut sullissisimasumik nersornaaseeqqinniarpoq.

MIO inunnut ikiuukkumatuunut immikkut ittumik meeqqanut inuusuttunullu sullisisimasumut nersornaasiingajalerpoq, tusagssiorfinnut nalunaarummi allassimavoq.

- Meeqqanik inuusuttunillu immikkut ittumik sullissisuusinnaapput immikkut aaqqissuusamik suliallit, peqatigiiffik, suleqatigiilluunniit imaluunniit sumiiffimmi namminerisamik piumassutsini tunngavigalugu suliaqartuusoq.

Taamaammat meeqqat pisinnaatitaaffii pillugit suliniaqatigiiffiup maanna kikkut tamarmik, meeqqat, inuusuttut aamma inersimasut MIO-p nersornaasiuttagaanut 2020-imut innersuunneqassanersut kaammattuissutigaa.

Kikkulluunniit innersuussisinnaapput kingusinnerpaamik ulloq 1. november 2020 mailikkut mio@mio.gl imaluunniit MIO-p facebookiatigut.

Siorna aappariit Qaqortumeersut Birgitte aamma Kikkik Høyer Brobergikkut nersornaaserneqarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER