Skip to main content

MIO: Atuarfinni ajornartorsiutit taamungaannaq aaqqissutit taamaatinneqassapput

Meeqqat atuarfianni meeqqat affaat katataasarnerinut nutaanik aaqqiissuteqartariaqartoq, meeqqat illersuisuat kaammattuuteqarpoq.

Ajornartorsiut ilisimaneqarluarpoq: Meeqqat atuarfiini naammassisut affaat ingerlariaqqinneq ajorput. 

- Meeqqat inuusuttulli katataasartut suli amerlavallaarujussuarput, meeqqat illersuisuat Aviâja Egede Lynge tusagassiuutinut nalunaarummi allappoq.

Meeqqat assigiinngitsut

Taamaammat meeqqat illersuisuat isumaqarpoq, allamik aaqqiissutissamik ujartuinissamut piffissanngortoq.

- Inuttut inuiaqatigiinni, kulturikkullu inissisimanerat aallavigalugu sooq meeqqat ilinniakkamik aallartitsisannginnerat paasiniartariaqarparput, taamasilluta sukkasuumik siunertalimmillu aaqqiissuteqarnissaq anguniarlugu iliuuseqarsinnaaniassagatta, asuli taamungaannaq sattalluta aqqiiniarsariinnarata, Aviâja Egede Lynge allappoq.

Taanna isumaqarpoq, siullertut meeqqat tusarnaarneqartariaqartut. Assersuutigalugu angalanermini niviarsiaraq 14-nik ukiulik naapissimavaa.

- Meeqqat ajortunik misigisaqaraangamik ajortittarput tarnikkullu nakkartarlutik, sunut tamanut piumassuseeruttarput. Nuannaaraangamik atuarfimmi ilikkagaqarnissaminnut piumassuseqarnerusarput imminnullu tatiginerusarlutik, niviarsiaraq taama oqarpoq.

Meeqqallu illersuisuat ersarissumik kaammattuuteqarpoq: Meeqqat tusarnaakkit, iliuuseqapallagit, atuarfeqarfiillu meeqqanut nalimmassarlugit.

- Taamaattumik meeqqat inuusuttullu akuliutsinnissaat pisariaqavippoq; kikkuuppat? Inuttut, inuiaqatigiinni kulturikkullu
inissisimanerannut tunngatillugu aporfii suuppat suullu tunngaviuppat ilinniagaqannginnerannut?
Meerartatta inuusuttortattalu tarnikkut peqqissusaat qanoq ippa? Aviâja Egede Lynge allappoq.

NAKUUSA aamma MIO suleqatigiinnissamut isumaqatigiissuteqarsimapput. Tassani atuarfeqarneq pillugu NAKUUSAp meeqqanut siunnersuisoqatigiit Nunatsinniittunu tamanut ilisimasanik, isummanik aaqqiissutissatullu siunnersuuteqartassallutik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER