Toqusoq
Ministeriunerusimasoq Anker Jørgensen toquvoq
Anker Jørgensen, ministeriunerusimasoq Socialdemokraatinilu siulittaasuusimasoq sapaatiummat toquvoq, 93-inik ukioqarluni
Ministeriunerusimasoq Socialdemokraatinilu siulittaasuusimasoq Anker Jørgensen sapaatiummat toquvoq, 93-inik ukioqarluni. Taamatut tusagassiorfinnut nalunaarutikkut allapput Socialdemokraatit.
Anker Jørgensen ilaquttami qaninnerpaat najoraanni eqqissilluni sinilerpoq, partii paasissutissiivoq.
Ministeriunerusimasoq piffissamilu 1972-imiit 1987-imut Socialdemokraatini siulittaasuusimasoq, piffissanilu marlunni 1972-imiit 1973-imut aamma 1975-imiit 1982-imut ministeriunerusimalluni.
Politikeri malunnaatilik
– Anker akornatsinniikkunnaarpoq. Oqaatsit taakkua paasilluarnissaannut piffissaqartariaqarpugut. Tassami Anker partiit akimorlugit Danmarkip 1900-ukkunni oqaluttuarisaanerani inuit anginerpaat ilagisimavaat, Socialdemokraatit siulittaasuat Mette Frederiksen oqarpoq.
Anker Jørgensen Danmarkimi politikkimi malunnaateqarnerpaat ilagisimavaat, peqqumaasivimmilu sulisartutut tunuliaqutaqarnera kingornalu sulisartut kattuffianni sulisimnera pissutigalugit politikeriusimavoq innuttaasunit nuannarineqarluartoq.
Siulittaasuunermini ministeriunerminilu partiini nittarsaalluarsimavaa.
Anker Jørgensenip nalaani Lønmodtagernes Dyrtidsfond pilersinneqarpoq taamatuttaarlu efterløn (60-ileereerluni siusinaartumik pensionisiat) eqqunneqarpoq. Tamanna peqatigalugu Nordsømi uuliamik isumaqatigiissut isumaqatigiinniutigineqaqqippoq.
Nipi qasusuitsoq
Politikeriuneratali ministeriuneratalu nalaani Danmark aningaasaqarniarnikkut annertuumik ajornartorsiuteqarpoq. Anker Jørgensenip ministeriunerunini Venstrenut Konservativenullu 1982-imi annaavaa, aningaasaqarniarneq pissutigerpiarlugu.
– Ankerip demokraatiskiusumik socialdemokratiskiusumillu sulisartunik suliniuteqarsimanera annikigisassaanngilaq. Angusai. PIssusia. Inunnik isiginninnera. Inuunini tamaat qasusuitsumik inut tamarmik assigiissumik periarfissaqarnissaat sorsuutigisiavaa.
Naatsorsuutigineqarpoq apriilip 2-anni ilineqassasoq
– Socialdemokraatinik Danmarkimillu pisuunnguallatsitsisimanera pillugu eqqaamassavarput. Tamanna ingerlateqqissavarput. Qujassutissaqarfigeqaarpullu, Mette Frederiksen allappoq.
Naatsorsuutigineqarpoq Anker Jørgensen apriilip 2-anni ilineqassasoq.
Anker Jørgensen 1922-imi juulip 13-i