Ministeri: Russit qunusaarinerat Kalaallit Nunaanni timmisartunik malersuuteqalerneranik kinguneqarsinnaavoq

Russit timmisartuisa Kalaallit Nunaat angusinnaappassuk, Danmark timmisartunik malersuutinik uninngatitsilluni akeqqittariaqarpoq, Claus Hjort (V) taama isumaqarpoq.

Russit timmisartuisa malersuutit kalaallit silaannaa unioqqutitsiffigilissagaluarpagu, Danmark sakkutooqarfinni Kalaallit Nunaanni timmisartunik malersuutinik tikisitsisariaqarpoq.

Illersornissamut ministeri Claus Hjort Frederiksen (V) taama oqariartuuteqarpoq. Berlingske taama allaaserisaqarpoq.

Kalaallit Nunaata ilaa russit timmisartuinit ungasinngitsukkunni anguneqarsinnaanngorsinnaavoq. Taakku akornusersorneqaratik kalaallit silaannaat unioqqutitsillutik timmiffigisinnaassavaat.

Danmarkip Kalaallit Nunaanni russit timmisartuinut upalungaarsimasoqannginnerannik tamanna pissuteqarpoq.

- Danskit territoriaani silaannarmi unioqqutitsinerit akuersaarsinnaanngilaut. - Danskit naalagaaffiata silaannartaani unioqqutitsinerit akuersaarsinnaanngilagut. Oqartussaaffigut illersortariaqarpagut, soorlu Østersøen russinit eqqunngitsuliorfigneqarpat Danmark illersuisariaqartartoq.

- Taassuma assinganik Kalaallit Nunaanni iliuuseqartariaqarput, Claus Hjort Frederiksen Berlingskemut taama oqarpoq.

Russit sakkutooqarfii nutaat

Rusland issittumi sakkutooqarfinnik sanaartuleruttorpoq, ilaatigut timmisartunik malersuutinik qeqertami Nagurskoyemi Svalbardip kangisinnerusortaaniittussanik Kalaallit Nunaannit 1.000 kilometerisut ungasitsigisumiittumi.

Tassanngaanniit russit timmisartui Kalaallit Nunaata qulaanut assersuutigalugu Pituffimmut ingerlaarsinnaapput.

Illersornissaqarfiup Isertortumik Paasiniaasartuisa (FE) oqarnerat naapertorlugu, kitaaneersut Issittumi suliaqarnerat Ruslandimit ernummatigineqarpoq.

Minnerunngitsumik amerikamiut kalaallit mittarfiini annertuumik aningaasaliinissamut pilersaaruteqarnerat. FE-p navianartunut naliliineranni kingullermi tamanna atuarneqarsinnaavoq.

Upalungaarsimaneq akisooq

Illersornissaqarfik Kalaallit Nunaanni russit timmisartuinut qisuariarsinnaasunik upalungaarsimasoqassappat akisussaaq.

Illersornissaqarfik timmisartunut malersuutinut qisuariarsinnaasunik Kalaallit Nunaanni peqanngilaq. Tamatuma saniatigut timmisartunut upalungaarsimasunut qisuariarsinnaasunut aqutsiffinnik peqanngilaq imaluunniit attaveqaatit pisariaqartinneqartut pigineqaratik.

Russit timmsartuisa danskit timmisartuutaannik malersuutinik aallartitsisareerput. Danskit soqutigisaqarfigisaannut nunat tamalaat silaannaannut russit timmisartuisa ingerlaaneranni, 2013-miilli danskit F-16-iutaat 184-eriarlutik tingisareerput.

Powered by Labrador CMS