Skip to main content

Ministeri: Politeeqarfinni ataasiinnarmik sulisoqarunnaassaaq

Danmarkimi naalakkersuisut politeeqarfinni sisamani sulisunik amerlanerulersitserusupput, tassa politeeq ataasiinnaq sulisoriunnaarlugu sulisut marlunngortinneqarniarput. Taamaalilluni Pituffimmi politeeqarfik kisimi ataasiinnarnik sulisoqalissalluni.

Kalaallit Nunaanni Politiit sulinerminni sakkortuumik misigisaqartarput, poliimmi ilaatigut inunnut ulorianaatilimmik pinerluuteqartoqartarnernik meeqqanillu innarliisoqartarneranik suliassarpassuaqartarput.

Nunami sumiiffiit ilaanni politeeqarfiit politiinik ikittuinnarnik imaluunniit ataasiinnarmik sulisoqartarput, Danmarkimili naalakkersuisut politiinut tunngatillugu isumaqatigiissutissamik nutaamik maannakkorpiaq isumaqatiginninniartoqarneranut atatillugu tamanna aaqqiiffiginiarlugu sulissutigaat.

Taamatut ilisimatitsivoq Inatsisinik atuutsitsinermut Ministeri Nick Hækkerup (Soc) folketingimi ilaasortamut Aaja Chemnitz Larsenimut (IA) allakkatigut akissuteqarnermini:

- Danmarkimi naalakkersuisut tamatumunnga atatillugu ilaatigut sulissutigaat Kalaallit Nunaanni Politiini ukiumut sulisartut amerlineqarnissaat, tassani anguniarlugu Kalaallit Nunaanni politeeqarfiit ataasiinnarmik sulisullit marlunnik sulisoqalernissaat, ilaatigut politeeqarfinni ataasiakkaani sulinermi pitsaanerusumik avatangiiseqalernissap qulakkeerneqarnissaa, taamaalilluni Pituffimmi politeeqarfik kisimi ataasiinnarmik sulisoqalissaaq, Inatsisinik atuutsitsinermut Ministeri akissuteqarluni allappoq.

Isumaqatigiissutitigut atugassarititaasut inissinneqassasut

Kalaallit Nunaanni Politiit Kattuffiannit isornartorsiorneqarsimavoq, politeeqarfiit ataasiinnarmik sulisoqartarnerisigut politiit ataasiakkaat tatineqartartartut, politiit ulorianartumik pisoqarnerani ikiorteqarnissamik periarfissaqartinneqaratik kisimiillutik iliuuseqartariaqartarnerat pissutigalugu.

Politiinut isumaqatigiissutissaq Danmarkimi naalakkersuisut Folketingimilu susassaqartut isumaqatiginninniutigaat, isumaqatigiissutitigullu 2021-miit 2024-mut politiinut atugassarititaasut inissinneqassapput- Tassunga aamma ilanngullugu Kalaallit Nunaanni politiinut atugassarititaasut, taakkununnga tunngatillugu tamanna Danmarkimit akisussaaffigineqarmat.

Kalaallit Nunaanni Folketingimmi ilaasortaatitat marluk politiinut isumaqatigiissutissamik isumaqatiginninniaqataapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER