Ministerip tikeraarnerani politiit suliassaqangaatsiartut
Amerikamiut nunanut allanut ministeriat Mike Pompeo Kalaallit Nunaannut tikeraarpat, sillimaniarneq tamarmi ajunngitsumik ingerlasariaqarpoq, tamassumunnga Naalagaaffiup politiivi ikiuutissapput.
Amerikamiut nunanut allanut tunngasunut ministeriat Mike Pompeo Kalaallit Nunaannut sisamanngorpat tikippat, Kalaallit Nunaanni Politiit Naalagaaffiup Politiivinit danskillu politeeqarfiinit ilaannit ikiorneqassapput.
Politimesteri Bjørn Tegner Bay Sermitsiaq.AG-mut taama ilisimatitsivoq. Taassuma erseqqissarpaa tikeraartoqarnerup nalaani politiit sillimaniarnermi suliassaat annertoorujussuusoq.
Mike Pompeo tikeraarpat Kalaallit Nunaat USA-mi nunanut allanut ministerit sisamassaannit tikeraarneqassaaq. Taanna Nuummukaruni ilaatigut Nalaakkersuisut siulittaasuat Kim Kielsen ataatsimeeqatigissavaa. Issittumi sillimaniarneq pillugu politikkip amerikamiut nunanut allanut ministeriata Kalaallit Nunaannut tikeraarneranut pissutaarpasippoq.
Paasissutissat amerlanngitsut
Tikeraartoqalerneranilu Kalaallit Nunaanni Politiit soorunami ilisimatinneqarsimapput peqataatinneqassallutillu.
- Suliassaq pillugu uanga suleqatikkalu oqaaseqarsinnaanngilagut, oqaaseqassagaluaruttami suliassarput navialineqarsinnaalissammat, Bjørn Tegner Bay ilisimatitsivoq.
Taassumalli erseqqissaatigaa amerikamiut nunanut allanut ministeriata Nuummiinnerata nalaani politiit “illoqarfimmi amerlangaatsiassasut”.
- Piffissaq qaninnerulerpat pisariaqalissagunarpoq innuttaasut ilisimatinnissaat aqqutissiuunnissaallu.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...