Skip to main content

Ministerip allakkat eqqunngitsut alaannaqqugai

Allakkat eqqunngitsut Kalaallit Nunaanni nunanut allanut naalakkersuisumit Amerikami senatorimut allagaatinneqartutut saqqummiunneqarsimapput

Immikkoortut sisamat kingulliit Danmarkimi russit aallartitaqarfiannit oqaaseqaatinik ilaqarput. 

Nunanut allanut ministeri Jeppe Kofod (S) naapertorlugu allakkat tamarmik atuarneqartariaqanngillat, taassumami allakkat ilumuunngitsut Nunanut Allanut Naalakkersuisumit Ane Lone Baggerimit partiimit naalakkersuisuutitaqartumit Siumumeersumit allagaritittuusaarneqartut piffissaajaatiginianngilai.

Allakkat ilumoortutut isikkoqarlutik saqqummerput Amerikamilu senatimi ilaasortamut Tom Cottonimut allagaallutik. Tusagassiuutit arlallit naapertorlugit inuit attaveqaqatigiittarfiini arlalinni saqqummersimapput, kisianni ilisimaneqanngilaq ilumut Amerikami senatorimut nassiunneqarsimanersut. Jeppe Kofodip tamanna piffissaajaatigerusunngilaa.

- Ilumuunnginneri erseqqingaarmat soqutigineqartariaqanngillat. Soqutigineqalissappata allattoq anguniagaanik angusitissavarput, tassa piviusorsiortuunngitsumik soqutigineqarnermik oqallinnermillu allamut sangutitsinermik. Silarsuarmi ilumuunngitsunik amerlasuunik nutaarsiassaqarfiusumi inuuvugut, taanna oqarpoq.

Allakkat imaat akerleriiffiulersitsisinnaapput, tassami saqqummermat Kalaallit Nunaat Amerikap siunnersuineratigut siunissami tassaassasoq nuna aaqqissuussinikkut illersornissap tungaatigut kikkunnulluunniit pituttorsimanngitsoq.

Aamma allassimavoq, USA isertortukkut Kalaallit Nunaata pilertortumik namminiilivinnissaq pillugu taasitinneqarnissaanik tapersersuisuusoq.

Kalaallit Nunaanni nunanut allanut naalakkersuisup allakkat oqaaseqarfigerusunngilai, naalakkersuisoqarfimmili allakat ilisimaneqarput.

Jeppe Kofodip tamanna aamma akuersaanngilaa.

- Suliat erseqqissumik ilumuunngitsut soqutigissanngilavut, soqutigineqarnissaammi naleqqutinngilluinnarpoq. Inuinnaat naalakkersueqataaffiini oqallinnermik aserorterisuupput. Tamakkuninnga allattoq ataasiinnarmik siunertaqarpoq: malugitinniarluni avissaartuutitsiniarlunilu, Jeppe Kofod oqarpoq.

Paasisimallit ilaat naapertorlugit, isumaqartoqarpoq Rusland allakkanik nassiussisimasutut ilimanarnerpaasoq. 

Tamanna russit Danmarkimi aallartitaqarfiata Facebookikkut ilumuunnginnerarpaa. 

Aallartitaqarfiup russit akuliussimaneqarnerat "akisussaassuseqanngitsutut tunngavissaqanngitsutullu" oqaatigaa. 

- Issittumi naalagaaffiit akunnerminni attaveqatigiinnerat Ruslandip akuliuffigisimanngisaannarpaa aamma qaquguluunniit akuliuffiginavianngilaa, saqqummiussamit taamatut allassimasoqarpoq. 

Læs hele sagen:

  1. Forfalsket Bagger-brev skal så splid mellem Grønland og Danmark
  2. Baggerimit allagaritittuusaarneqartut Kalaallit Nunaata Danmarkillu akornanni avissaartuutsitsissapput
  3. Minister vil ikke give forfalsket grønlandsk brev opmærksomhed
  4. Rusland afviser indblanding i falskt brev
  5. Rusland allakkanut ilumuunngitsunut akulerussimannginnerarpoq
  6. Snusfornuft er det bedste forsvar mod fake news angreb
  7. Silatusaarneq nutaarsiassanut ilumuunngitsunut illersuutissaavoq pitsaanerpaaq
  8. Allakkat ilumuunngitsut politiinut suliassanngortinneqartut
  9. Falskt brev meldt til politiet
  10. Målet var en forskruet debat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER