Skip to main content

Ministeri: Mobilikkut sianerneq akisuallaarunnaassaaq

Danmarkimiit Kalaallit Nunaannut mobilikkut sianerneq akisuallaarunnaassaaq, taamatu oqapoq pilersuinermut ministeri Dan Jørgensen.

Danmarkimi mobilimik atuisutut Kalaallit Nuaannut sianerneq akisusinnaavoq, telemik ingerlatsisut nalunaarasuartaatit atornerinut aningaasartuutaasartut sinningaatsiarlugit akeqartitsisarnerat pissutigalugu.

Europami nunat akornanni nalunaarasuartaatit atornerisa akikinneeranngortinneqarnissaat EU-mit anguneqarsimasoq, Kalaallit Nunaat tamatumunnga ilaatignneqanngilaq, tamannalu pissutigalugu Venstre sinnerlugu Kalaallit Nunaannut Ataatsimiititalimi ilaasortap Christoffer Aagaard Melsonip pilersuinermut ministeri akulerutsissimavaa.

- Naalagaaffeqatigiinni nalunaarasuartaatit atornerinut akeqartitsinissamik telemik ingerlatsisut peqquneqarsimanerat ingasappallaarlunilu inissaminiinngilaq, EU-mimi tamatumunnga akiliuteqartoqarneq ajorpoq, taamaammat DanmarkipmiKalaallillu Nunaanni nalunaarasuartaatit atornerinut akiliisoqartarunnaartitsisoqarnissaanut ministeri qanoq iliuuseqarniarpaa, Venstremi politikkeri Danmarkimi miniterimut aperivoq.

Atuisut iluaqutigissagaat

Dan Jørgensenip akissuteqaammini ilisimatitsissutigaa, ”Naalagaaffeqatigiinni atuisunut iluaqutaasussamik aaqqiissutaasinnaasunik nassaarniarnissaq siunertaralugu tamatuma qulaajaaffigineqarnissaanut peqatigitillugu Danmarkimi Kalaallillu Nunaanni telemik ingerlatsisut nalunaarasuartaatit atornerinut aningaasartuutigisartakkaminnut matussutissaqarnissaat pillugit”, Attaveqaqatigiinnermut Naalakkersuisoqarfik oqaloqatigalugu.

Tele-Postimi pisortaanerup Kristian Reinert Davidsenip Sermitsiaq.AG-mut ilisimatitsissutigaa, Tele-Postip akigititai taamatut qaffasitsigisumik akeqartitinermut pissutaasinnaanngitsut.

- Nunani allani telemik ingerlatsisut Kalaallit Nunaannut sianernermi akigititaasa appartinneqarnissaat pillugit isumaqatiginninniartuarpugut – EU-mi akigititatut appasitsigilersinngikkaluarlugit, kisianni ingerlatsisut aningaasartuutaannut naamamginartumik naapertuuttunngortinniarlugit, pisortaaneq ilisimatitsivoq.

Tele-Postip Kalaallit Nunaannut mobilikkut oqarasuaatitigullu sianernermi akigititaa 1. jnaru 2017-imili minutsimut 22,4 øret missaanniissimavoq.

Aaja: Pissusitoqqat amiakkuat

-Tele-Postip akigititai sullissisullu aningaasartuutigisartagai, Danmarkimi telemik ingerlatsisut minutsimut taamak annertutigisumik akeqartitaminnik atuisut Kalaallit Nunaannut sianerneranni akigititaminnik appaasinnaanerat eqqarsaatigalugu  aporfiusinnaanngilat, Kristian Reinert Davidsen Attaveqaqatigiinnermut Naalakkersuisoqarfimmik suli peqataatitsilersimanngitsoq erseqqissaavoq.

IA sinnerlugu folketingimi ilaasortap Aaja Chemnitz Larsenip Dana Jørgensen iliuuseqarniartoq nuannaarutigaa.

- Danmarkimi kiffartuussiviit arlalli minutsimut taamarsuaq akeqartitsisarnerat pissusitoqqat amiakkorisimassavaat, assersuutigalugu Tele-Postimut akileqqusartakkatik øriinnaatillugit Danmarkimiit Kalaallit Nunaannut sianernermi minutsimut 10 koruunit angullugit akeqartitsisaramik. Ingerlatseqatigiiffiit killissamik qaangiinerattut tamanna taaneqarsinnaavoq, nuannaarutigaaralu Danmarkimi teleministerip oqaatigimmagu misissuiniarluni, Aaja Chemnitz Larsen Sermitsiaq.AG-mut oqarpoq.

EU-mi aaqqissut malinnianngikkaa

Telemi pisortaanerup erseqqissaatigaa, Kalaallit Nunaata EUmi nalunaarasuartaatinik atuinermut malittarisassaanut ilanngutsinneqarnissaa ajornartorsiummut aaqqiissutaanavianngitsoq.

- EU-mi nalunaarasuartaammik atuinermut malittarisassanut ilanngukkusunngilagut, akiligassarmi Kalaallit Nunaanni atuisunut naggataatigut tuttussaavoq, tassa Kalaallit Nunaanni mobilikkut attaveqaatinik ingerlatsinermi ineriartortitsinermilu aningaasartuutiviusartut eqqarsaatiginagit, Bruxellesimi akigititassatut aalajangiunneqarsimasut nunani allani telemik ingerlatsivinnut taakkulu sullitaannut neqerooruteqartoqartassappat, Kristian Reinert Davidsen nassuiaavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER