Ministeri: Kinamiut paasissutissanik saqqummiisimanerat aarlerinaateqarpoq
Kinamiut suliffeqarfiutaata namminersortup Zhenhuap, Kalaallit Nunaanni Savalimmiunilu politikkerit inuussutissarsiutillillu arlallit pillugi paasissutissanik katersisimanerat aarlerinaateqarpoq, taamatut isumaqarpoq Danmarkimi nunanut allanut ministeri.
Air Greenlandip aamma Kalaallit Airportsip siulersuisuini maanna ilaasortaasut siusinnerusukkullu ilaasortaasimasut Kinamaiut paasissutissaataasiviannut ilanngunneqarsimasut ilagaat. Aamma Kim Kielsen allattorsimaffimmut ilaavoq, Jyllands-Posten septembarip qaammataata qiteqqunnera ilaatigut allappoq.
Paasissutissaataasivik Kinamut suliffeqarfiutaanit Zhenhuamit suliarineqarsimavoq, ilaatigut danskit nuimasut 700-t sinnerlugit amerlassusillit pillugit paasissutissanik katersisimasoq.
Taamatut pisoqarsimanerata malitsigisaanik, folketingimi ilaasortap Aaja Chemnitz Larsenip (IA) Danmarkimi nunanut allanut ministeri pisimasumut qanoq isumaqarnersoq pillugu aperisimavaa.
Ministeeriaqarfik Kinamut: Suliaq ilungersunartoq
Nunanut allanut ministerip Jeppe Kofodip (Soc.) allakkatigut akissuteqarnermini ilisimatitsissutigaa, suliaq aarlerinaateqartutut isigalugu:
- Naalagaaffeqatigiinni tamarmiusuni innuttaasut taamatut pineqarsimanerat soorunami ernumanartippara, Jeppe Kofod allappoq.
Taassuma ilisimatitsissutigaa, Nunanut allanut Ministeeriaqarfik Kinamiut Danmarkimi aallartitaqarfiannut saaffiginnissimasoq, oqaatigalugulu suliaq ilungersunartuusoq aamma Kinap isigineqarneraut ajoqusiisinnaasoq.
Kofod: Ajornartorsiutaavoq
Jeppe Kofod bemærker, at en talsmand fra det kinesiske udenrigsministerium har kommenteret sagen og udtalt, at der er tale om et rent privat kinesisk firma, og at firmaet kun har indsamlet data, der er tilgængelig online.
Jeppe Kofod er dog alligevel kritisk:
- Isertuutissanngilara tusagassiorfiinnit paasissutissat naapertorlugit, suliffeqarfiup ilaqutaasut pillugit paasissutissanik ilanngussilluni katersisimanera immikkut ajornartorsiutaasusutut isumaqarfigingakku - tassa paasissutissaataasivimmi paasissutissat tusarfinnit isertuussaanngitsunit pissarsiarineqarsimagaluarpataluunniit, nunanut allanut ministeri Aaja Chemnitz Larsenmut akissuteqarluni allappoq.