Skip to main content

Ministeri: Akeqanngitsumik akiuussutissalerneqarnissaq immikkut ittumik neqeroorutaavoq

Danmarkimi naalakkersuisut decembarip qaammataani aalajangermata Savalimmiut Kalaallillu Nunaat coronamut akiuussutissamut akiliuteqassanngitsut immikkut ittumik neqeroorutaavoq, peqqissutsimut ministeri Magnus Heunicke nassuiaavoq.

Peqqissutsimut ministerip Magnus Heunickep oqaatigaa, Danmarkip Kalaallit Nunaanni innuttaasut coronamut akiuussutissalerneqarnerannut akiliuteqarniarluni aalajangersimanera ”Kalaallit Nunaannit qinnuteqartoqarsimaneranik” pissuteqanngitsoq.

Akerlianik ”Covid-19-imut akiuussutissalersuinerup sapinngisamik amerlanerpaanut ilaqutaanissaata pingaaruteqarneranik naliliisimaneq” tunngaviusoq, ministeri IA sinnerlugu folketingimi ilaasortamut Aaja Chemnitz Larsenimut akissuteqarnermini nassuiaavoq.

Taassuma erseqqissaatigaa, akiuussutissat akeqanngitsumik neqeroorutigineqarnerat kisimi pineqartoq.

- Aningaasartuutit allat, soorlu assartuinermut, uninngatitsinermut, agguaassinermut akiuussutissalersuinermullu aningaasartuutit Kalaallit Nunaannit namminermit akilerneqassapput, akissuteqaammi ilisimatitsissutigineqarpoq. 

Qanoq akeqarnera isertuussaasoq

Magnus Heunickep ilisimatitsissutigaa, Kalaallit Nunaanni akiuussutissat Danmarkip naalagaaffianut qanoq akeqassanersut oqaagtigiuminaattoq.

Taassuma oqaatigaa ”akigititassamik Danmarkimi naalakkersuisut EU-llu akiuussutissaliortumut isumaqatiginninniarsimerat pillugu paasissutissat tunngaviatigut isertuussaasut, tassa suliffeqarfiup akiuussutissaliortup aningaasaqarneranut tamanna pingaaruteqarmat”.

Procentfordeling

EU-p ataatsimoortumik pisiaqarnissaanut isumaqatigiissutaa naapertorlugu Danmarkip akiuussutissat EU-mi pissarsiarineqarsinnaasut 1,3 procentii pisiarai. Taamaalilluni Kalaallit Nunaat nunap inuttussusaanut naapertuuttumik Danmarkimut tunniunneqarsimasut 0,94 procentiinik pissarsisimasoq ilisimatitsissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER