Skip to main content

Ministerertaaq siornatigut Nunatsinni najugaqarsimasoq

Flemming Møller Mortensen peqqissaasutut inuusuttutut ilinniakkaminik naammassinneqqammersutut kulturimik allamik misigisassarsiorluni Ilulissanut nuuppoq. Taanna ullumikkut nunat ineriartortut suleqatigiinnerannut aamma nunat avannarliit suleqatigiinnerannut ministeriuvoq, nunallu avannarliit attaveqaqatigiinnerisa. nukittorsarnissaat qilanaaraa.

Danmarkimi naalakkersuisuni ministerit nikisinneqarnerannut atatillugu Socialdemokratineersoq Flemming Møller Mortensen novembarip naalernerani nunat ineriartortut suleqatigiinnerannut aamma nunat avannarliit suleqatigiinnerannut ministeritut nutaatut saqqummiunneqarpoq.

Aviisi Sermitsiaq taama allappoq.

Ministeriulerfigisaminut qaffasissunik anguniagaqarpoq – aamma Nunarput angisuumik uummateqarfigaa.

– Ilulissani napparsimmavimmi 1994 tamakkerlugu peqqissaasutut sulivunga. Tamanna uannut suliffinnut atatillugu inuttullu misigisaavoq angisooq. Inuuninni siusikannersukkut Kalaallit Nunaat ilikkagaqarfigilluarakku nuannaarutigaara. Tamatuma kingorna Kalaallit Nunaannut arlaleriarlunga angalasarpunga.

– Kalaallit kulturiat paasisaqarfigerusuttuaannarsimavara. Arlalippassuartigummi allamik asseqannginnami, soqutiginartorujussuuvorlu uagut naalagaaffeqatigiinni assigiinngitsunik pingasunik kultureqaratta, imminnut pisuunngorsaqatigiittunik. Ilulissat Qeqertarsuullu Tunua uannut inuttut pingaaruteqaqaat. Tamatumunngali tunngatillugu soorunami aamma suliannut atatillugu innuttaasut suleqatillu qanillugit peqqissaasutut sulineq soqutiginartuuvoq taamalu aaqqissuussaaneq aamma illoqarfiup Ilulissat aamma Qeqertarsuup Tunuani nunaqarfiit suleqatigiinnerat soqutiginartuulluni.

– Paasisimasaqarnerulernera atorneriga, allat nalilertariaqarpaat. Isumaqarpungali naalagaaffeqatigiinni arlalippassuartigut ataatsimoorussanik pingaartitaqartugut, qularutissaanngilarli suleqatigiinneq ingerlaartuartuummat, ineriartortuartuullunilu.

Aviisimi Sermitsiami ministerertaaq pillugu atuarnerusinnaavutit. Aviisi uani pissarsiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER