Gode takter

Minik unammisaqqilerpoq

GOG Minik Dahl Høegh aamma Akutaaneq Kreutzmann unammeqataasoralugit ajugaaqqippoq maannalu Håndboldliga-mi siuttuulluni

Minik Dahl Høegh isertitseriarpoq.
Jakob Larsen nuannarineqartaqaaq
Mia Rasmussen aamma Akutaaneq Kreutzmann
Jakob Larsen nuannarineqartaqaaq Knud Fl. LarsenMia Rasmussen aamma Akutaaneq Kreutzmann Knud Fl. LarsenMinik Dahl Høegh isertitseriarpoq. Knud Fl. LarsenJakob Larsen nuannarineqartaqaaq Knud Fl. LarsenMia Rasmussen aamma Akutaaneq Kreutzmann Knud Fl. LarsenMinik Dahl Høegh isertitseriarpoq. Knud Fl. LarsenJakob Larsen nuannarineqartaqaaq Knud Fl. Larsen

Sapaatip akunnerani kingullermi Nordsjælland Håndbold ajorsartinneqarpoq. Arfininngormallu Skanderborgimut unamminermi GOG-p, pingagsunik kalaalertallip, Minik Dahl Høeghimik aamma Akutaaneq Kreutzmannimik unammisartunik, sungiusaasuunermillu Jakob Larsenimik, takutippaa Håndboldliga-mut uteqqinnini pimoorullugu, 2009-mi klubbip akiliisinnaajunnaarnini pissutigalugu 2 divisonimut pinngitsaalisamik appartinneqarnermi kingorna.
Unammineq naammassimmat GOG 29-24-mik ajugaavoq. Tamannali sioqqullugu isiginnaartut 1200-t misigissutsit tamaasa aqqusaaqqaarpaat.
Festissamaartut
Svendborgip borgmesteria Curt Sørensen isiginnaartut nuimanerit ilagaat. Unammisartunik ilisarititsineq Tysklandimi Bundesligami misigineqarsinnaasutut ingajappoq. Nipilersuutit nipitoorsuit atorpaat assammik arsarnermi nuannarineqartorpassuit ilaat: Niel Diamond-ip atugaa Sweet Caroline aamma John Denver-ip atugaa Take my home country roads. Isiginnaartut unammisartutik sungaartunik tuluujuarallit ersaartaattartorujussuuvaat.
Taavalu aamma Fynip kujataani Gudmemi GOG Arena-mi isiginnaartut kalaalertaqarluarput. Ilaatigut assammik arsarnermi dommeri Poul Olsen ilaqutanilu GOG-p qalipaataanik sungaartunik atorlutik, aamma Mia Rasmussen, Nunatsinni assammik arsartartut kakkannerpaat ilaat, taassumalu unamminerup kingorna unammisartut ilassivai.
Akutaaneq Kreutzmann minutsit 14-it ingerlareersut Minik Dahl Høeghilu minutsit 22-t ingerlareersut siullermeerlutik avalapput. Akutaaneq Kreutzmannip 11-11-mut isertitsinerata kingorna GOG ingerlalluarpoq muminnermilu 16-13-imik siuarsimalluni.
Unamminerup immikkoortuata aappaani unammineq nikeqattaarpoq. Dommerit marluk aqutsilluaraluartut imminnut sammitilerput anisitseqattaarnermikkut strafertitseqattaarnermikkullu. Malittarisassat sakkortusisat nutaat malinneqarput. Unamminerup ilarujussua unammisut naligiittorujussuupput. Kingullermik minutsit qulingiluat sinneruttut 22-22-eramik, tamatumalu kingorna GOG sukapput taamalu 29-24-mik ajugaalluni. Akutaaneq Kreutzmann arlalinnik takutitsilluarpoq pingaartumillu unamminerup naajartulernerani arsarluaqaluni.

Unamminermi kalaallit sisamanik isertitsipput. Akutaaneq Kreutzmann pingasunik Minik Dahl Høeghilu ataatsimik.

Silatusaaqqusivoq
Sungiusaasuunerup Jakob Larsenip unamminerup kingorna holdimi angusai naammagisimaarluarpai, soorunamilu nuannaarutigeqalugu GOG unamminerit siulliit marluk kingorna Håndboldliga-mi siuttuummat.
– Unammiuaarnermi takisuumi unamminerit marluk suunngillat. Arlalippassuariarluta unammereerutta aatsaat holdit assigiinngitsut qanoq sukalatiginersut malugisinnaavarput. Unamminerni siullermi marlunni iluatsitsisimavugut holdit sukalanerpaat naapinnginnatsigit. Taamaattumik siuttuuvugut.
– Soorunami malugaara Akutaaneq Kreutzmann unammilluaqqittoq. Assersuillaqqippoq pingaarutilinnillu pingasunik isertitsilluni. Minillu uteqqikkiartorpoq. Minnerpaamik qaammat ataaseq ingerlassaaq rtuimigut pilatsinnermi siuliatut sukalatigileqqinnissaanut. Tuimigut pilatsinnini paarilluassavaa sulilu assersueqataasarani.

Nunarsuarmi pissartat sisamat
Unamminermi maluginiagassaalluarpoq Niklas Kirkeløkke. U19-mi nunarsuarmi pissartanngoqqammersoq arfineq-pingasoriarluni isertitsivoq. Unammineq sioqqullugu Niklas Kirkeløkke aamma nunarsuarmi pissartat GOG-meersut allat marluk Kasper Kildelund aamma Kristian Bonefeldt aamma Skanderborg-imi unammisartoq Martin Risum naasunik tunineqarput.

Powered by Labrador CMS