nersornaasiineq

Minik Rosing ataqqinaammik nersornaaserneqarpoq

H.C. Ørstedip inunngorneraniit ukiut 240-t qaangiunneranni professor Minik Rosingip, Hans Christian Ørsted Nersornaat 2017 pissarsiaraa.

Minik Rosing, professor, geolog, Københavns Universitet
Professor Minik Rosing hædres med HC Ørsted Prisen 2017.

Kalaaleq ujarassiooq, Statens Naturhistoriske Museumimi, Københavns Universitetiani, professorip Minik Rosingip Ørstedpavillonenimi Rudkøbingimiittumi persuarsiortumik ingerlannertalimmik eqqumiitsuliaq "Sommerfugl" eqqumiitsuliortumit Sabine Majusimit sananeqartoq, uppernarsaat aningaasallu 10.000 koruunit pissarsiarai.

Tunngavilersuut

Minik Thorleif Rosingimut H.C. Ørstedimik nersornaasiiniarnermi nersornaasiisartut tunngavilersuillutik allapput:

- Nersornaat Minik Thorleif Rosingimut ilisimatusarnikkut inuunerup nunarsuullu qanoq inneranik nutaamik ilisimasaqalersitsisimaneranut tunniunneqarpoq. Minik Rosingip Nuup eqqaani Isuakasiani ujaranngornikunik misissuinermini ukiut 3,8 milliardit matuma siornaneersuumik nassaarsimavoq.

- Minik Thorleif Rosingip misissuinerata nunarsuup silaannaata piffissami tassani qanoq issimaneranut paasisimasat allanngortippai, taassuma gassit kianneruleriartortitsisartut pissutaallutik nunarsuaq kiammik immini uninngatitsinerarlugu ilimasuut ilumuunginerarpaa. Killormuuanillu Minik Thorleif Rosingip takutippaa nunarsuarmi CO2-p ukiut 3,8 milliardit matuma siorna annertussusaa ullumikkutulli iinnartoq.

Professorip pinngortitamik ilisimatusarnermut akunnermiuttuulluarnera tungavilersuiniermit pingaartinneqarsimavoq.

Nersornaat

Nersornaat, H.C. Ørsted ingerlatsivimmit H.C. Ørstedimit Langeland Kommunemiillu 2013-mi pilersinneqarpoq ukiulli tamaasa tamaasa tunniunneqartarluni.

Powered by Labrador CMS