Skip to main content

Minik Høegh-Dam Avannaani borgmesterinngorpoq

Naleraq Siumullu Avannaata Kommuniani kommunalbestyrelsimi suleqatigiittussanngorput, taamalu Minik Høegh-Dam borgmesterinngorluni, taanna Sermitsiaq:AG-mut ilisimatitsivoq.

Avannaata Kommuniani ullualunni pissanganartorsiortoqareersoq borgmesterissaq nutaaq aallatittussanngorpoq. Minik Høegh-Dam taaguunneqarnerpaasimalluni, parteeqatini arfineq-pingasut Naleqqameersullu marluk suleqatigalugit borgmesterinngorpoq.

Arfininngormat isumaqatigiissuteqarput, Minik Høegh-Damillu borgmesteritut sulilernissani qilanaaraa.

- Innuttaasut oqariartuuteqarput, paasivaralu illoqarfinni sisamani taakkulu nunaqarfiini tapersersorneqarluarlunga. Oqartussaaqataaneq ataqqineqartussaavoq, borgmesterinngorlaaq isumaqatiginninniarnermi angusat pillugit Sermitsiaq.AG-mut oqarpoq.

Minik Høegh-Damip parteeqatigisimasami borgmesteriusimasullu Palle Jerimiassenip Siumumit anilluni ullumi oqaaseqarsimanera erseqqinnerusumik oqaaseqarfiginngilaa.

- Tamatta kiffaanngissuseqarluta inuuvugut, namminerlu partiimit aniniarluni aalajangerpaa. Tamanna ataqqissavarput, taanna oqarpoq.

Naleraq sinnerlugu kommunalbestyrelsimi ilaasortap Jens Napâtok-p Sermitsiaq.Ag-mut oqaluttuaraa, partiimi Siumumik isumaqatigiissuteqannginnermi periarfissat arlallit eqqarsaatigeqqaarsimagai.

- Partiit mikinerit amerlanerussuteqarniarfigisinnaagaluarpavut, tunuliaquttattali qinersisartut Siumut kommunalbestyrelsimi aalajangiisuusussatut qinersinermikkut aalajangiisimanerannik ataqqinninnissarput piumasarisimavaat.

Taassuma oqaluttuaraa, suleqatigiinnissamik isumaqatigiissut Naleqqamit naammagisimaarneqarluartoq.

- Borgmesterip tulliatut siulleq pissarsiaraarput aamma kulturimut ataasimiititaliami siulittaasuuffik aningaasaqarnermullu ataatsimiititaliami inuttaqarnissaq anguvarput, tamannalu nuannaarutigaarput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER