Skip to main content

Mingutsitsinngitsunik atuilernerup uuliasiorneq aarlerinartorsiortissinnagaaa 

Nunarsuarmi uuliamik atuineq coronap ajornartorsiortitsinerata nassatarisaanik appariarujussuarpoq. Maanna apeqqutaalerpoq mingutsitsinngitsunik atuileriartuaarnermut tamanna iluaqutaasinnaanersoq, taamalu Kalaallit Nunaata uuliasioqatigiiffinnik akuersissuteqarfinnut nutaanut kajungilersitsiniarnera ajornakusoornerulissanersoq. 

Naalakkersuisut siulittaasuat Kim Kielsen qaammatit arlaqanngitsuinnaat matuma siorna Texasiliarpoq Kalaallit Nunaat nunatut uuliasiorfittut nutaatut nittarsaakkiartorlugu akuersissuteqarfinnullu nutaanut arfinilinnut aningaasaliisunik uuliasioqatigiiffinnillu pilerisaariartorluni. Kisianni taava corona-virusi nunarsuarmi niuerfimmik eqquivoq, tamatumalu kingorna uuliap akia appariartupiluulersimalluni tamatumalu peqatigisaanik nukissiuuteqarnermi ingerlatseqatigiiffiit angisuut aaqqiissutissanik mingutsitsisuunngitsunik nutaanik qimerluuilerlutik, Sermitsiaq allappoq.

Apeqqutaavoq tamatuma Kalaallit Nunaat siunissami nunatut uuliasiorfittut qanoq inissisimalersissaneraa? 

– Coronap ajornartorsiortitsinera siunissaq qanittoq eqqarsaatigalugu piffissap ilaani nukissamik atuinikinnerulenermik kinguneqarsimavoq. Apeqqutaavorlu soorunani siunissami ungasinnerulaartumi tamanna nunarsuarmi pissusilersornermik allanngortitsinermik kinguneqassanersoq. Qaqutigoornerusumik timmisartortalissaagut? Qarasaasiakkut aallaaviit soorlu Skype aamma Zoom aqqutigalugit suliassanik arlaqarnerusunik isumaginnissinnaanerput paasisimavarput? Uuliamik atuineq piffissap sivisunerusup ingerlanerani appariaateqarsinnaavoq, taamalu pisoqartillugu Kalaallit Nunaata nunatut uuliasiorfittut nutaatut ungallerpaat akornaanni inissisimalernissaa ersarippoq. Tamatuma saniatigut uuliasioqatigiiffiit inuiaqatigiillu arlalissuit uuliamut gassimullu taarsiullugit periarfissanik mingutsitsisuunngitsunik allanik aamma qimerluuilersimapput, GEUS-imi ujarassiooq pisortallu tullia, Flemming Getreuer Christiansen, oqarpoq. 

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER