Skip to main content

Mimi Karlsen: Utoqqaat ikinnerpaanik pissarsisinneqartartut amerlanerusunik pissarsiaqartinneqassapput

Isumaginninnermut Naalakkersuisoq Mimi Karlsen (IA) nutaami naalakkersuisuuffimminiilerami ingerlaannaq misissulerpaa utoqqaat inuuniarnerminni atugarisaat qanoq pitsaanerulersinneqarsinnaanerat.

Inuit Ataqatigiinnut anguniagaq pingaarnerpaaq tassaavoq utoqqaat atugarisaannik pitsaanerulersitsinissaq, maani nunami utoqqanngorluni pitsaasumik inuuneqarnissaq.

- Tassunga atatillugu arlalinnik taasaqarsinnaavugut aningaasaqarnikkut pitsaasunik atugaqarnissamut tunngasuinnaanngitsunik, kisianni aammattaaq inissaqarnissamut aamma peqqinnissaqarfimmi pitsaasumik passunneqarnissamut periarfissaqarnissaq. Pineqarput aammattaaq nerisassat, aamma naleqarluartumik pitsaasumillu inuuneqarnissaq, tamakku aammattaaq utoqqanngorluni pisariaqartinneqartartut, taamatut oqarpoq Isumaginninnermut Sulisoqarnermullu Naalakkersuisoq, Mimi Karlsen, Inuit Ataqatigiit.

Taamaammat naalakkersuisoqarfimmit nalilersorneqalerlutillu isummersorfigineqalerput utoqqaat atugarisaat misissorlugillu sutigut aamma qanoq pitsaanerulersinneqarsinnaanersut. 

- Isumaginninnermut naalakkersuisunngortinneqarninni iliuuserisama siulliit ilagaat aappariit imminnut pilersortussaatitaanerisa atorunnaarsinneqarneratigut kingunerisassaanik misissuineq. Misissuinerit maannamut takutereerpaat utoqqaat ikinnerpaanik pissarsiaqartinneqartartut atugarisaannut allannguuteqartitsissanngitsoq, aamma taakku tassaasut inuuniarnermi atugarisamikkut pitsanngorsaavigineqarnissaminnik pisariaqartitsinerpaajusut. Aatsaat aningaasaqarniarnerat aammattaaq pitsanngorsaavigisinnaagutsigu suliassaq tamanna naammassisutut isigisinnaavara, kisianni kissaatigaarattaaq inuuniarnerminni ikinnerpaanik pissarsisinneqartartut allannguutinit iluaqutissarsisinneqarnissaat, Mimi Karlsen oqarpoq.

Aviisimi Sermitsiami allaaserisaq tamakkerlugu atuarsinnaavat. Aviisi uani pissarsiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER