Mimi Karlsen naartuersittarnermi kisitsisit pillugit: Atoqatigiinneq akisussaaqatigiiffiuvoq
Kalaallit Nunaanni naartuersittartut suli amerlavallaarput. Oqaluuserisariaqarparput piumassuserinngisamik naartulerneq arnat kisimik akissaaffiginngikkaat, peqqissutsimut naalakkersuisoq tikkuaavoq.
Siorna naartuersittut 842-nik amerlassuseqarput.
Tassa ullormut marluk sinnerlugit. Naallu kisitsisit ukiut pingajussaannik appariartoraluartut tassa 2018-imi naartunerit maanaannaq taamaatitsinneqartut 931-ummata, amerlassusiat suli uumallutik inunngortartunit amerlanerupput, Nunatta Nakorsaanerata naartuersittartut pillugit allakkiamini nutaami qularnaarpaa.
Aviisi AG taamatut allappoq.
Peqqissutsimut Naalakkersuisoq Mimi Karlsenip (Inuit Ataqatigiit) qularutiginngilaa amerlavallaarpallaarujussuarnerat:
- Amerlavallaarput. Kisianni soorunami nuannerpoq ikiliartornera aamma neriuppunga taamatut ittoqarnera ingerlaannassasoq, oqarpoq.
Naalakkersuisut tikkuarpaa naartunermik maanaannaq unitsitsinerit ataasiakkaarlutik tamarmik inuttut toqqaanermik tunngaveqarluinnartut, taakkua inuuniarnermik aamma peqqissutsimik inunnut ataasiakkaani unamminartunit tunngaveqarput.
Kisianni tamatumunnga ilutigitillugu imminik akerliuvoq, naartunaveersaarnissamut atortut annertunerusumik atorneqanngimmata tassami maani akeqanngitsumik pineqarsinnaammata.
- P-pille aamma spirali eqqarsaatigalugit arnaq annertuumik imminut akisissaaffilertarpoq kissaatiginngisaminik naartulernissaminut. Kisianni atoqatigiinneq akisussaaqatigiiffiuvoq, Mimi Karlsenip oqaatigaa, aammattaaq oqallisigerusuppaa angutip qanoq iliortarnera.
- Ataatsimoortumik akisussaaffeqarnerput oqallisigisariaqarparput. Illersuuteqarnani atoqatigiinnermi aammattaaq taassuma kingunerisai ataatsimoorunneqartariaqarput. Kisianni tamanna akuttunngitsumik arnamut tutsinneqartarpoq, peqqissutsimut naalakkersuisoq oqarpoq.
Oqaluttuaq tamaat aviisimi AG-mi atuaruk, ugguuna iserfigisinnaavat: