Miliuunilikkaat peqqissutsimut missingersuutini allanut nussorneqartut
Ilaatigut Dronning Ingridip Napparsimmavisuanut aningaasaliissutit ni millioner koruuninik ilaneqarput. Kigutigissaasunik sullinneqarnermut aningaasaliissutit fire millioner koruuninik ilanngarneqarput, sulisussarsiornermi ajornartorsiuteqarneq pissutigalugu.
Naalakkersuisut decembarimi ataatsimiinnerminni peqqinnissaqarfimmut missingersuutit annertuumik allanngortiterpaat.
Susassaqarfiit aningaasaliissutinik ikilisaaffigineqartut ilaat tassaavoq, peqqissaaveqarfinni kigutigissaasunik sullinneqarneq, tassunga aningaasaliissutit fire millioner koruuninik ilanngarneqarput. Peqqissutsimut Naalakkersuisoqarfik naapertorlugu, tamatumunnga pissutaavoq, aningaasaliissutinit 74 millioner koruuningajaat 2021-mi atorneqanngitsoorsimanerat.
Naalakkersuisoqarfimmi Sermitsiaq.AG-mut ilisimatitsissutigineqarpoq, sulisussarsiornerup ajornarsimanera pissutigalugu aningaasaliissutit atorneqarsimanngitsut:
- Peqqinnissaqarfik sapinngisamik pitsaanerpaamik sullissiniarsarivoq, tassa kigutigissaanikkur peqqinnissaqarfiullu suliassaqarfiini allani
Sulisussarsiortarneq pitsanngorsaaffiginiarlugu sulisoqartoq
- 2021-mut naatsorsuutini kigutigissaasunik sullinneqarnermi atuinikinnerusoqassasoq naatsorsuutigineqarpoq, sulisussanik pissarsiniarnermi ajornartorsiuteqartoqarnera pissutigalugu (tassa aningaasaliissutit ilaat atorneqanngitsoorsimagamik). Taamaammat konto pingaarnermit fire millioner koruunit allamut nuunneqarput. Sulisussarsiortarneq pitsanngorsaaffiginiarlugu sulisoqartuarpoq, innuttaasut sapinngisamik pitsaanerpaamik sullinneqartutut misigitinniarlugit, Peqqissutsimut Naalakkersuisoqarfik mailikkut Sermitsiaq.AG-mut ilisimatitsivoq.
Peqqinnissaqarfimmi aningaasaliissutinik nussuineq
- Dronning Ingridip Napparsimmavissua pillugu konto pingaarnermut aningaasaliissutit 9.000.000 koruuninik ilaneqarput.
- Kalaallit peqqissartut angerlarsimaffiat pillugu konto pingaarnermut aningaasaliissutit 3.000.000 koruuninik ilaneqarput.
- Nunap immikkoortuini peqqinnissaqarfiit, nakorsanit sullinneqarneq pillugu konto pingaarnermut aningaasaliissutit 11.000.000 koruuninik ilaneqarput.
- Napparsimasut angalaneri aamma napparsimasunik aallarussigasuarnerit il.il. pillugit konto pingaarnermut aningaasaliissutit 4.000.000 koruuninik ilaneqarput.
- Napparsimasut nunani allani katsorsarneqartarnerat, timikkut nappaatit pillugit konto pingaarnermut aningaasaliissutit 18.000.000 koruuninik ilanngarneqarput.
- Napparsimasut nunani allani katsorneqartarnerat, tarnikkut nappaatit pillugit konto pingaarnermut aningaasaliissutit 2.000.000 koruuninik ilanngarneqarput.
- Nunatsinni Peqqinnissakkut Ilinniartitaanikkullu suliniutit pillugit konto pingaarnermut aningaasaliissutit 3.000.000 koruuninik ilanngarneqarput.
- Peqqinnissaqarfiit, Kigutigissaaneq pillugu konto pingaarnermut aningaasaliissutit 4.000.000 koruuninik ilanngarneqarput.
Pissarsiffik: Naalakkersuisut.gl
Naalakkersuisut tamatuma saniatigut aalajangersimapput, ilaatigut Dronning Ingridip Napparsimmavissuanut aningaasaliissutit ni millioner koruuninik ilaneqassasut, Kalaallit peqqissartut angerlarsimaffiannut aningaasaliissutit tre millioner koruuninik ilaneqassasut aamma peqqissaavinnut kigutigissaasunillu sullinneqarnermut aningaasaliissutit 11 millioner koruuninik ilaneqassasut.
Peqqissutsimut Naalakkersuisoqarfik naapertorlugu, Naalakkersuisut aningaasaliissutinik nussuisarnerat nalinginnaasuuvoq. Nussuinermut tunngaviuvoq, peqqinnissaqarfiup ukiut tamaasa avataani pissutsinit sunnerneqartarnera, sunniutaasartut suliassaqarfinni assigiinngitsuni aningaasanik qanoq annertutigisunik pisariaqartitsisoqarneranut sunniuteqartarput.