Milan Reimer angusarissaarpoq

15-inik ukiulik Milan Reimer inunnguusiminik qaratsamit pisumit nukillaaqqanermik taaneqartartunik (cerebral parese) innarluuteqarpoq. Taamaakkaluartoq Atuarfik Mathias Storchimi Ilulissaniittumi projektilerinermi soraarummeerpoq, naak innarluutini pillugu soraarummeernissaminut pisussaajunnaarsitaasinnaagaluarluni.

Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia

Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia Nita Jul Larsen / Avannaata Kommunia

Nita Jul Larsen / Avannaata KommuniaNita Jul Larsen / Avannaata KommuniaNita Jul Larsen / Avannaata KommuniaNita Jul Larsen / Avannaata KommuniaNita Jul Larsen / Avannaata KommuniaNita Jul Larsen / Avannaata Kommunia

Nina-Vivi Møller Andersen

sapaat 06. mar 2022 09:38

Annonse

Milan Reimer Atuarfik Mathias Storchimi 10. klassemi atuarpoq peqatinilu assigalugit projektilerinermi soraarummeeqqammerluni. Milan Reimer nukillaarnermik nappaateqarpoq (CP) 2015-illu tungaanut tusilartuusimalluni. 2015-imi annertuumik suliaritereerluni tusaasaqarsinnaalerpoq, tusaasaqalersinnaanerminilu oqalussinnaanngorluni. Naak nukillaarnermik nappaateqaraluarluni ullumikkut pisussinnaavoq imminullu paarisinnaalluni.

Cerebral parese pillugu

Cerebral parese nappaataavoq inuunerup sinnera pigineqartartoq. Taanna amerlanertigut meeqqat inuusuttullu akornanni nappaataasarpoq. Cerebral parese pilersarpoq qaratsakkut ajoqusernermi, ajoquserneq naap iluaniinermi, erninermi inoorlaalluunniit akornanni pisarpoq. Qaratsami ajoquserneq inunngujaarnermi, aanaartoornermi, ilt-imik amigaateqarnermi pinngortarpoq, amerlanertigulli sooq nappaat pilersimanersoq paasineqarpoq ajorpoq. Cerebral parese ajornerulersitsineq ajorpoq, kisianni meeqqap alliartornerani nappaamut ersiutit ineriartortarlutik.

Kilde: CP Danmark

- Milan tusaasaqalernerminiit oqaatsinik nutaanik ilinnialernerminiit annertuumik angusaqarnikuuvoq. Ukiut arfineq-marlut ingerlanerini uunga allaat killippoq. Maanna projektilerinermi soraarummeernermini angusivoq, Milan Reimerip anaanaa Katrine Skade oqarpoq nangillunilu:

- Milan arlaanik suliassamik imaluunniit assassukkamik aallartitaqaraangami naammassitinnani uninneq ajorpoq. Kajumissuseqartorujussuusarpoq tunniutiinnartarnanilu, Katrine Skade Ilulissaneersoq oqarpoq.

Milan Reimer CP-imik nappaateqarnera pillugu soraarummeernissamut pisussaajunnaartitaasinnaagaluarpoq. Piumassuseqartarnera ilinniartitsisuatalu soraarummeernermi angusarissaartitsipput. Soraarummeeranimi C-imik pissarisaqarpoq. Anaanaasoq Katrine Skade tassunga killinnissaa takorloorsinnaanikuusimanngilaa.

- Inoorlaalluni pingasoriarluni anersaartorunnaarnikuuvoq, taamanilu nakorsap oqarfigaanga inuutillunga pisuttoq takunavianngikkiga. Eqqarsaatiginngisaannarnikuuara uunga killikkumaartoq. Anaanatut tulluusimaarnartorujussuuvoq, ingammik kisima annermik perorsarnikuullugu. Sutigut tamatigut tulluusimaarutigisaqaara, Milanip anaanaa oqarpoq.

Piumassuseq annertooq allatullu eqqarsarneq

Milanip soraarummeernermini qatserisarfik sammissallugu aalajangerpaa. Suliaq ullut tallimat ingerlanerani naammassisussaavaa paasissutissanillu ujartuisussaalluni. Nammineerluni oqaluttariarsornermi misilitsikkiartorpoq, ilinniartitsisunut censorinullu saqqummiilluni.

- Suliara C-imik pissarsiaqaatigaara , pissangasimaqaanga, kisianni massakkut nuannaarpunga, Milan misilitsereerami tulluusimaaqaluni oqaluttuarpoq.

Piumassuseqaraani angusarissaartoqarsinnaasoq Milanip piumassusaata takutikkaa, tapersersortitut ilinniartitsisua isumaqarpoq.

- Atuarfiup iPadia annertungaatsiartumik atorsimavarput, atornerani Milanip assut iluaqutigisimavaa, tassami allannissaq ajornakusoortuummat, allatut eqqarsarluta qanoq iliorutta Milanip ajornannginnerpaamik suliaqarnissaa pillugu paasiniaasimavugut, Lena Ravn Davidsen oqarpoq nangillunilu:

- Tamatigut peqataatinneqannginneq iluaqutaajuaannarneq ajorpoq, Milanimmi tamanna sapinngulluinnarpaa, atortorissaarutit ikiorsiullugit, assorsuarlu uagut tamanna tulluusimaarutigaarput, Lena Ravn Davidsen naggasiilluni oqarpoq.

Milan Reimer aasamut meeqqat atuarfiani naammassissaaq, maannalu soraarummeerut siulleq angusaqarfigalugu.

Atuartitaanermut susassaqarfimmit fagchefi Ilinniartitaanermullu Ingerlatsiviup pisortaa kiisalu atuarfiup aqutsisui ulloq pingaartorsiorfiusoq nalliuttorsiorfigalugu peqataaffigaat.