ilisarititsineq
Mikip Skagenimi toqutaanera paasisaqarfigiuk
Mikip toqutaanerata kingorna ilaqutaasut qanigisaalu quarsaartinneqarput, nunaqqataasullu tupatsinneqarlutik: - Maqaasiinnavippara upperiuminaatsillugulu akornatsinniikkunnaarsimanera, ikinngutiginerpaasaa oqarpoq.
Miki Thorstein Hansen 20-innarnik ukioqalerpoq. Miki nammineq angerlarsimaffimmini, Skagenip qeqqani inissiami, peqqarniitsumik pinerlunnermi inuuninngua inuususseruttortoq tiguneqarpoq.
Maannakkut ilaqutai ikinnguterpassuilu aliasupput, taamaannerani politiit angummik inuusuttumik, taassuma arnaa kalaaliuvoq Danmarkimut nunasisimasoq, toqutsineq misissorpaat.
- Maaniikkunnaarnera paasisassanngilaq. Marluulluta eqqaamasarpassuaqaratta aamma maqaasiuaannartussaavara, ikinngutaa Lukas Thomsen oqaluttuarpoq.
Miki Thorstein Hansen ikinnguterpassuarminit ilisarisimasarpassuarminillu inussiarnersutut, asannittutut qiimasutullu ilisarimaneqarpoq.
Miki Thorstein Hansen pillugu oqaluttuaq tamaat AG-p E-aviisiani atuarsinnaavat. Linki ataani tooruk.