Skip to main content

Mikael Petersen: Unnerluussinerit sakkortuut ilisarisinnaanngisakka

Siumut allattaanerisimasaa isumaqarpoq, arnat qulit kinguaassiutitigut innimiilliorfigineqarsimanerarlutik unnerluussineri tunngavissaqanngitsut.

Allaaserisaq 8.35 nutarterneqarpoq, Mikael Petersenip oqaaseqaqqinneri marluk allaaserisap naqqani ilanngunneqaramik.

Arnat qulit oqaatsit atorlugit timikkullu toqqaannartumik kinguaassiutitigut innimiilliorfigineqarsimanertik pillugu unnerluussinerat, Siumut maanna allattaanerisimasaata Mikael Petersenip paasisinnaannginnerarpaa.

 - Unnerluussutit, issuarsimasatit uannullu nassiussatit, sakkortupput. Unnerluutigineqartut uku arlaannaatigulluunniit ilisarisinnaanngilakka, Sermitsiaq.AG-mut oqarpoq.

Politiit misissuinissaat pisariaqarpoq

Arnat taakku qulit Mikael Petersenimit qanoq innimiilliorfigineqarsimanerlutik pillugu tamarmik immikkut allagaqarsimapput. Allakkat taakku ataatsimoortillugit Siumut siulersuisuunerinut nassiunneqarsimapput. Mikael Petersen, tamassuma kingorna, sapaatip akunnerata siuliani marlunngornermi, suliunnaarsinneqarpoq.

- Unnerluutigineqartut taama sakkortutigitillugit, kaammattuerusuppunga politiit misissuitinneqassasut. Tassami Siumut siulersuisuuneri suliamik suliarinnittussaanngillat.

- Unnerluussutit aatsaat tusarpakka

Sermitsiaq.AG-p allakkat qulit tigummivai. Allakkat imarisaanik tigulaarinnilluni allaaserisaq, Mikael Petersenimut takutinneqarpoq, oqaaseqarfigineqartussanngorlugu:

LÆS OGSÅ: Arnat qulit Mikael Petersen kinguaassiuutitigut innimiilliorsimasutut unnerluutigigaat

- Erseqqissaatigerusuppara allakkat qulit tamakkerlugit atuarsimannginnakkit, allakkamili issuakkat kisiisa atuarsinnaasimallugit. Unnerluussutit aatsaat tusagaqarfigaakka. Siumumi siulersuisuunernit ilisimatinneqanngilanga.

- Sooq oqarfigineqarsimanngilanga?

Mikael Petersen suliunnaarsitaareernermi kingorna nammineerluni soraarniuteqarpoq. Eqqartuussissuserisumik pisumi suliaqartissinnaasaminik maanna ujaasivoq.

- Arnat kinguaassiutitigut innimiilliorfigisimagikka pillugit naammagittaalliortoqarsimaneranik ataasiaannarlungaluunniit ilisimatinneqarsimanngilanga. Taava sooq unnerluussutit uku maannakkut aatsaat saqqummerpat? Unnerluutiginninnerit taama sakkortutigippata, siornatigut sooq oqarfigineqarsimanngilanga?

- Issuarneqarsimasut pillugit, taama oqarsimaninnik eqqaamasaqanngivippunga. Suligaangama sulisarpunga, taama eqqarsaatersuuteqarnissannut piffissaqanngilanga.

- Ilimanarsinnaavoq eqimattakkuutaani quujasaarlunga kinguaassiutit pillugit oqaaseqarsimasinnaanera. Oqaloqatigiittariaaseq taamaattuummat, allat aamma taama pinngitsooratik oqaaseqarnikuupput. Inuilli ataasiakkaanut toqqaannartumik kinguaassiutitigut innimiilliornikuunngilanga, Mikael Petersen oqarpoq.

- Ajuusaarnarpoq arnat ilaat kinguaassiutitigut innimiilliorfigineqartutut misigisimassappata. Taama pisoqarsimappat tamanna suliffiup iluani aaqqinniarneqartussaagaluarpoq, suliffeqarfinnik nakkutilliisut malittarisassaat malillugit, taama pisoqaqqinnginnissaa anguniarlugu.

Michael Petersen isumaqarpoq suliaq politikkikkut pissaaneqarniunnermit aallaaveqartoq.

- Naammagittaalliortoqarneranut tunngatillugu ilisimatinneqarsimannginnera, sulialli politikkikkut angusaqarusunnermut saatillugit saqqummiunneqarnerat pillugu, pineqartunut ajuusaarutigaara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER