Demokraatit
Michael Rosing: Sulinera atorneqarsinnaasimanngimmat ajuusaarnarpoq
Inatsisartut upernaarmanna ataatsimiinneranni suleqataasinnaasimannginneq eqqumiitsumik misigisaqarfigisimallugu, Michael Rosingip oqaatigaa.
Demokraatit sapaatiummat iluminni isumaqatigiissuteqarput.
Sunalu aaqqiagiinngissutaasimanersoq, sunalu aaqqiissutaasimanersoq pillugit partiip siulittaasuatulli, Randi Vestergaard Evaldsenip, oqaatigisimasaatut Michael Rosing annertunerusumik oqaaseqarfigerusunngilai.
- Ilutsinni aaqqiagiinngissuteqarsimanerput isertuussaanngilaq, isumangali naapertorlugu aaqqiagiinngissutit taama ittut nammineq aaqqinniagassaapput, Michael Rosing Sermitsiaq.AG-mut oqarpoq.
Suliassaqarpallaarsimanngitsoq
Naluneqanngitsutut Michael Rosingi oqaaseqartartuuffimminik ataatsimiititaliamilu ilaasortaaffigisaminit Inatsisartut upernaakkut ataatsimiinnerisa aallartinnerani akisussaaffiiangaasimavoq.
Tamanna Demokraatit Inatsisartuni gruppiani suleqatigiissinnaajunnaarnerup kingunerisimavaa. AG-iip aallaaserisimavaa, aaqqiagiinngissuteqarneq marlunnik qinigaaffeqartarnermik patsiseqartoq.
- Inatsisartut upernaarmanna ataatsimiinnerat uannut eqqumiitsumik misigisaqarfiuvoq, Michael Rosing oqarpoq.
- Inatsisartuni ilaasortat allat ulappupput, uangali suliassaqarpallaarsimananga.
Sammisamulli tamanna ajuusaarnarnerpaajusoq, Michael Rosingip oqaatigaa.
- Sulianut assigiinngitsunut ikiuulluarsinnaasimangaluarpunga, taamaattoqarsimannginneralu ajuusaarnarpoq.
Partiimik pilersitsinissamik pilersaarutit
Sapaatip akunnerata siuliani nutaamik partiiliortoqarniartoq, AG-iip oqaluttuaraa.
Sermitsiaq.AG-iip paasisaqarnerata kingorna, Michael Rosingi gruppimi suleqataaqqilinngitsiarnerani, partiimik pilersitseqataassalluni eqqarsaateqarsimavoq.
Pilersaarulli tamanna taamaatinneqarsimarpasippoq.
Sammisaq pillugu aamma uku atuakkit:
Randi V. Evaldsen: Isumaqarpunga Demokraatit nukittuujulluta
Marlunnik qinigaaffeqarneq Demokraatit aaqqiagiinngissutigaat
Randi: Marlunnik qinigaaffeqarneq ajornartorsiutaanngilaq
Demokraatit iluminni isumaqatigiilertut
Politikkikkut oqaaseqartartoq: Demokraatit ajutoornerat assut ajornartorsiutaasoq
Demokraatini ilaasortaajunnaartoqaqqilersoq
Randi: Michaeli gruppimi peqataajunnaarsimavoq