Mianersoritsi: SMS-ikkut uukapaatitsiniut ingerlaarpoq - ammarnagu peertarsiuk
SMS 1000 dollarsinik eqquisimaninnik tuluttut oqaluttuartoq ingerlaarpoq, Kalaallillu Nunaanni mobililippassuarnut nassiussuunneqarluni. SMS-ip imaa ammarniaqinagu.
Grønlandsbanken SMS-imik nassiussisimasutut isikkortinneqarpoq, SMS-imi linki innersuunneqarsimasoq ammarukku annertuumik ajornartorsiulissaatit.
Liniki innersuunneqarsimasoq toorukku, SMS-ikkut nalunaarut mobilinnut ajoqusiigaatsiarsinnaavoq, assersuutigalugu isissutigisartakkat il. il. ajoquserneqarsinnaavoq.
Nalunaarut ammarnagu peerneqassaaq
Grønlandsbankenip sullitai kisimik SMS-ikkut nalunaarutisisimanngillat. Aammali mobilillit Kalaallit Nunaanni aningaaseriviit annersaanni sullinneqanngitsut SMS-isimapput.
Grønlandsbanken, atornerlunneqartoq nittartakkamini imatut allappoq:
- Maannakkut SMS-it uukapaatitsiniutit GrønlandsBANKEN nassiussisutut allallugu nassiunneqaqattaarput. Allakkami allassimavoq pineqartoq 1000 $-inik eqquisimasoq. Innersuussutigilluinnarparput sms-imi linki ammarneqassanngitsoq, allagarlu peerneqassasoq.