Mianersoritsi: 1000 koruunit salloqittaatit kaaviiaartut
Nuummi politiinit mianersoqqussutigineqarpoq, 1000 koruunit salloqittaatit Nuummi atorneqarnerat
Annonse
Nuummi politiit maannamut aningaasat salloqittaatit tallimat Nuummi inunnit assigiinngitsunit arsaarinnissutigisimavaat. Kingullermik pingasunngormat 1000 koruuni salloqittat arsaarinnissutigineqarpoq, politiit Facebookertik aqqutigalugu ilisimatitsipput.
Taamaammat Nuummi Politiinit innuttaasut – pingaartumillu pisiniarfiit niuertullu qinnuigineqarput – eqqumaqqullugit.
Ilisarnaataat
1000 koruunit salloqittaataasut Nuummi Politiinit arsaarinnissutigineqarsimasut ilisarnaatigaat, talerpiata teqeqquani qorsummik qalipaatilimmik meqqilerneqarsimanerat, assimilu takuneqarsinnaasutut ”leftovercurrency. com”-imik oqaasertaqarnerat.
Aningaasanik salloqittaatinik takunnittoqassappat piaartumik Nuummi Politiit oqarasuaat 701448 aqqutigalugu saaffigeqquneqarput.