Mianersorit: Aasiaat eqqaani nannut arlallit takuneqarsimapput
Aasianni poliiit, Aasianni, Kitsissuarsunni aammalu Akunnaami innuttaasut sikumiinnerminni mianersoqqullugit qinnuigaat. Tassanimi nannut arlallit takuneqarsimapput
Annonse
Aasiaat eqqaani nunaqarfinnilu Kitsissuarsunni aamma Akunnaami nannut arlallit takuneqarsimapput.
Taamaattumik politiit mianersoqqusipput Aasianni, Kitsissuarsunni aammalu Akunnaami innuttaasut sikumiinnerminni mianersoqqullugit.
- Aasianni Politiit nalunaarutigissavaat ippassaq ualikkut (ataasinngorneq aaqq.) nannut arlaqartut Aasiaat ungasinngisaani takuneqarsimammata, politiit tusagassiuutinut nalunaarummi allapput.
Innuttaasut sumiiffimmi nannunik takunnissimasut politiit oqarasuaataannut 70 14 24-mut attaveqaqquneqarput.