Mianersoqqussut: WhatsApp qaraasiatigut ajortumeerinianit saassunneqartoq

Chattimik- oqarasuaatikkullu kiffartuussivik WhatsApp atuisuni 1,5 milliardit app-imik nutarsaaqqullugit kaammattuivoq. Sillimaniarnikkut akornuteqarnera ingerlatseqatigiiffiup paasisimavaa, Financial Times taama allappoq.

Ingerlatseqatigiiffiullu massakkut sillimaniarnermut akornutaasoq iluarsisimavaa, tamannalu aatsaat app-ip nutarsarneratigut iluatsinneqarsinnaavoq.

Qarasaasiatigut ajortumeeriniat oqarasuaatit iPhone aamma Android app-kkut sianerfigalugit spywaremik ikkussisinnaasu maajip qaammataani WhatsApp-imit paasineqarpoq.

Aviisi naapertorlugu spyware isralimeersut NSO-t sananeqarsimavoq, programmilu sianiinnarluni ikkunneqarsinnaasimavoq.

NSO-p ilisimaneqaatigilluangaa tassaavoq Pegasus. Programmip oqarasuaatip assiliivia mailia paasissutissallu ikissinnaavai.

WhatsApp Facebookemit pigineqarpoq.