Mianersoqqussut: Tingissinnaasut qajannaarsorneqarlik
Politiit Kitaani illoqarfinni arlalinni innuttaasunut mianersoqqussutigaat unnuaru anorersuartussaanera.
Kitaani unnummut unnuarulu anorersuarnissaa aarlerisaarutigineqarpoq:
- Kitaani unnuaru nittaalartalimmik qulisimassaaq. Kujataani anorsareriarluni anorersualissaaq, najukkani anorersuartarluni, unnualli ingerlanerani anorikilliartulissalluni, DMI allapput.
Tamanna nalunaarutigineqarmat Kalaallit Nunaanni Politiit innuttaasunut kaammattuuteqarput, Politiit naapertorlugit Nuummi ualimut unnummullu anorsarissaaq, sekundimut 38 meterisut sakkortutigisumik anoraasuasarluni. Unnukkut kingusinnerusukkut anorsarik Sisimiunut apuutissaaq.
- Kalaallit Nunaanni Politiit taamaammat Nuummi Sisimiunilu innuttaasut suliffeqarfiillu piumaffigaat, pigisaminnik tingissinnaasunik qajannaarsueqqullugit. Taamaaliornikkut inunnut ulorianartorsiortitsisinnaasunik teqqartoqassanngimmat, Politiet Facebookikkut allapput.
Politiit aamma inuit anissagunik mianersornissaannik kaammattorpaat:
- Silaannarmi teqqarsinnaasut saniatigut, aputip persernera masannartoqarsinnaaneralu pissutigalugit isikkiviluttussaavoq, politiit allapput, nangillutillu:
- Inunnik ajornartorsiortunik takusaqassaguit imaluunniit pigisat qajannaarsorneqarsimanngitsut inunnut allanut ulorianartorsiortitsinnaasut takussagukkit politiinut oqarasuaat 701448 atorlugu saaffiginneqquneqarputit.