Skip to main content

Mia Rasmussen Ajax Københavnimut nuuppoq

22-nik ukiullip Mia Rasmussenip unammisartuunini 1. divisionimi unammisartumi Ajax Københavnimi nangissavaa

Mia Rasmussen Qaqortumi K33-mi Nuummilu NÛK-mi assammik arsartartuusimasoq sæsonit sisamat ´kalaallinik unammisartuliorfimmi´ Silkeborg-Voel KFUM-imi unammisartuuvoq pingaartumillu klubbip 2. divisionimi unammisartuani atorneqartarsimalluni, ataasiakkaani 1. divisionimi unammeqataasarsimalluni.
Mia Rasmussen fysioterapeut-itut ilinniagaqarpoq, 30-t sinnerlugit nunanut allanut unammisarsimalluni aammalu marloriarluni Amerikap Nunavissuani Pissartanngorniunnermi ataasiarlunilu VM-imi peqataasarsimalluni. Sermitsiaq.AG-mik oqaloqatigineqarluni Mia Rasmussenip isertuutinngilaa assammik arsartarnermini suna anguniarlugu.
– 1. division-imi unammisarusuppunga Ajax Københavnilu kakkannerni unammmisarnissamut periarfissatut isigaara, klubbip qaffariarnissani anguniarmagu. Ajoraluartumik kingusinaalaarlunga klubbimut pivunga aallartisarnermilu peqataasimananga, taamaattumik sungiusaasup qinnuigaanga naammagittaqqullunga.
Mia Rasmussen holdeqatinilu sapaatip akunneranut pingasoriarlutik timersortarfimmi nukkassarnermik arpannermillu sungiusartarput.
Sungiusaasorisimasaata nersualaarpaa
Silkeborg-Voel KFUM-imi unammisartuulluni Mia Rasmussenip Jakob Andreassen, kalaallit arnat nunanut allanut unammisartut sungiusaasuat, sungiusaasoraa. Jakob Andreassenip qularutiginngilaa Mia Rasmussen 1. divisionimi pissutsit eqqortut atorlugit ingerlalluarsinnaasoq, Sermitsiaq.AG-millu oqaloqatigineqarluni ilaatigut oqarpoq:
– Mia-p sungiusarnini tamatigut pimoorulluartarsimavaa, maanilu Silkeborgimi akissarsiutigalugu assammik arsartartutut inuullunilu sungiusartarsimavoq. Eqqaamassavarput Silkeborg-Voel KFUM-imi 1. divisionimi siorna Håndboldliga-mut qaffanniaqataasimagatta. Unammisartorissaarpugut misilittagaqarluartunik, taamaattumik Mia aalajangersimasumik unammisarsimanngilaq. Aappaatigut Mia Rasmussen 2. divisionimi atorluarneqartarsimavoq, kakkannerit ilagisimalllugit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER