Skip to main content

Mia arsartartoq: VM-imut anngunnissamut piareersimasoq

Nunanut allanut unammisartoq Mia Egede Rasmussen nunarsuaq tamakkerlugu Japanimi pissartanngorniunnissamut Mexicomi anngunniunnissamut qilanaarpoq.

28-nik ukiulik Mia Egede Rasmussen nunanut allanut unammisartut misilittagartunersaat ilagaat. Taanna ukiuni 13-inngulersuni Danmarkimi unammisartuuvoq. Arsartarnermini aappassaanik sæsonini marlunni kingullerni Lyngby HK-mi unammisarpoq. Klubbi danskit divisionianni 2-mi unammisartuuvoq. Sæsonip maanna ingerlanerani 1. divisionimut uteqqinnissani neriuutigisimagaluarpaa. Tamanna pinngitsoorpoq.

Sisamanngormat unnukkut Lyngby HK-p Nykøbing Falster Håndbold pokalinnanniunnermi unammivaat. Tamanna soorunami ilungersorfiuvoq. Mia Egede Rasmussen aamma Lyngby HK nersortarialimmik 20-34-imik ajorsarput.

Unammisarneq nuannaraara

- Kalaallit Nunaannut uternissara eqqarsaatigisaqaara. Nuna maqaasivara, ilaquttakka aamma maqaasivakka, Mia Egede Rasmussen oqaluttuarpoq, nangillunilu:

- Assammik arsarneq nuannareqaara. Taamaammat maanna assammik arsarneq ajugaateqqinneqarallarpoq. Assammik arsartarnera naggammik periarfissinniarpara, klubbimillu maani Lyngbymit qaffasinnerusumik sungiusartarnermik avatangiiseqartumik nassaarniarsariniarlunga, taanna oqarpoq.

Mia Egede Rasmussen avataani talerperlermi arsartuujuaannarpoq.

Mia Egede Rasmussen timimik sungiusaasutut ilinniagaqarpoq, nammineerlunilu ininik ataatsimoorfiusuni pillorissaasarfeqarpoq, taannalu ukioq ataaseq attartugaraa. Isumaqatigiissut taanna qaangiuppat, Danmarkimi sumiikkaluarumaluunniit apeqqutaanngilaq.

Arsartarnermini Savalimmiunukarnissaq periarfissarisimavaa. Kisianni Mia Egede Rasmussen tassunga qujaannarpoq.

Mexicomi anngunniunneq

- Semifinalernissarput anguniagaavoq. Soorunami oqitsuinnaanavianngilaq, kisianni periarfissaavoq.

Kalaallit Nunaat unamminerni aallarniutaasuni Cuba, USA aamma Canada puljemeeqatigaat. Puljemi pitsaanerit marluk semifinalinut ingerlaqqissapput.

Mia Egede Rasmussen qularuteqanngilaq:

- Cuba iligiinni sakkortunersaapput, taamaammat ajornakusuussaaq. Siornatigut USA ajugaaffiginikuuarput, kisianni aamma ajorsarfigalugu. Canada ilisarisimavallaanngilara.

Unammisartugissaarpugut

- Unammisartugut ukiuni kingullerni pitsanngortorujussuusut isumaqarpunga. Tamatta inersimanerulernikuuvugut. Iligiit ukiuni kingullerni allanngorpallaarnikuunngillat. Inuusuttut aamma ”utoqqaanerulaat” akornanni agguaqatigiilluartoqarpoq. Unammisartut Danmarkimi arsartartut tallimaavugut, tamannalu nukittorsaataavoq. Minnerunngitsumillu ataatsimoorluartoruussuusugut isumaqarpunga, Mia Egede Rasmussen naggasiivoq.

Unamminerit maajip 27-annit juunip 3-ata tungaanut ingerlanneqassapput. Nunanut allanut unammisartut Københavnimi ullualunni katersuutissapput, maajip 24-anni Mexicomut aallarnissartik sioqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER