Skip to main content

Mette Frederiksen: Kalaallit Nunaat namminiilivikkusunngikkaluarpat eqqumiissagaluarpoq

Ministeriuneq Mette Frederiksen oqarpoq naalagaaffeqatigiinneq pillugu isiginnittariaatsini Lars Løkke Rasmussenimiit allaanerusoq.

Kalaallit namminiilivikkusunnermik kissaateqarnerat naliginnaasuullunilu inissaminiiginnarpoq.

Ministeriuneq Mette Frederiksen aviisimut Sermitsiamut taama oqarpoq.

Siornatigut arlaleriaqaluni oqartareerpoq taama kissaateqarneq paasisinnaalluarlugu.

- Kim Kielsen peqatigalugu isumaliutersuummik allagaqaqqammerputit tamatumanilu oqaatigivat Kalaallit Nunaata namminiilivinnissamut siunnerfeqarnera pissusissamisoortuusoq. Taamaalillutit ministeriunertut siulerisattut naalagaaffeqatigiinnermut illersuisuunngilatit. Naalagaaffeqatigiinnermut isiginninnersi assigiinngissuteqalaarpat?

- Aap, taamaassoraara. Tunngaviusumik isumaqarpunga, kalaallit namminiilivinnissamik kissaateqarnerat piffissap ilaani isumaqatigineqarluartoq. Tamanna paasisinnaalluarpara isumaqarlungalu – ilumoorlunga oqaatigissagukku – allatut isummersortoqarpat eqqumiissaaq. Isumaqarpunga inuiaat tamarmik pissusissamisoortumik namminiilivinnissaminnik kissaateqartartut. Tamatumunnga inuttut paasinnilluarsinnaassuseqarpunga. Taamaattorli soorunami oqaatigissallugu pingaaruteqarpoq ineriartorneq tamanna Danmarkimit uagut ingerlatissanngikkipput. Ineriartorneq tamanna isumaqarpunga inuiaqatigiit kalaallit namminneq sukkassusissaatut isiginninnertik naapertorlugu ingerlatiinnarsinnaagaat, Mette Frederiksen aviisimut Sermitsiamut oqarpoq.

- Kisianni Kalaallit Nunaat Danmarkilu maanna aappariittut inooqatigiittutut isigissagaanni, taava assigiinngissuseqanngila aappaasoq oqar­-pat: Qaqugu aappariikkunnaarnissarput nammineerlutit aalajangissavat, ima oqarani aappariiginnarnissarput ataatsimoorluta ilungersuutiginiartigu?

– Uannut piviusorsiunngitsumik illuatungeriinnerussaaq, tassami Kalaallit Nunaata namminiilivinnissaanik apeqqut taamaallaat Kalaallit Nunaannit aalajangiiffigineqarsinnaavoq. Tamannami uagut suliassarinngilarput. Taamaattorli imaanngilaq naalagaaffeqatigiinnermut nuannaarutiginninngitsunga. Tamatumunngami nuannaarutiginnippunga aammami qallunaat kalaallillu amerlasuut nuannaarutigaat oqaluttuarisaanikkut, kulturikkut ilaqutariinnikkullu pissuteqarlutik. Kalaallit Nunaat nuannarisorujussuuara aamma naalagaaffeqatigiinnut ministeriunerunera tulluusimaarutigeqaara. Taamaattorli Kalaallit Nunaata namminiilivinnissaa oqallisigigaangatsigu qallunaat misigissusaat aalajangiisuunavianngillat. Pissusissamisoortumik Kalaallit Nunaat kalaallillu qanoq inissisimanersut apeqqutaassaaq. Tassami Kalaallit Nunaat oqallisigaarput. Aammami isumaqarpunga pissutsit qanorluunniit ineriartoraluarpata qanittumik ataqatigiinnerput ingerlatiinnassagipput. Assersuutigalugu ilinniartitaaneq qiviarutsigu Danmark tassaavoq kalaallit inuusuttaasa ilinniarfigissallugu toqqarusunnerusagaat. Taamaalilluta ataqatigiinnerput ingerlatiinnarsinnaavarput. Isumaqarpunga maanna atuuttunik – imaluunniit atuussimasunik - uteriiserluta aalajangiusimanniinnarata, naalagaaffeqatigiinneq piffissap ingerlanerani ineriartortussatut isigisariaqaripput.

Apersuineq tamakkerlugu aviisimi Sermitsiami atuarsinnaavat. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER