Mette Frederiksen: Isumaqatiginninniarneq sivisooq kisianni pitsaasoq

Ullumi nalunaaqutaq 13 partiit sisamat akornanni isumaqatiginninniartoqaqqissaaq

Socialdemokratiet aamma SF, Radikale Venstre aamma Enhedslistenimut akornanni sapaat akunnerni arfineq-marlunni isumaqatiginninniarluni ataatsimiiffiuvoq.

Ulluni 18-ini kingullernisut Mette Frederiksen ministeriuninngortillugu Socialdemokraatit naalakkersuisunngorsinnaanerannut pilersaarusiorluni isumaqatiginninniartoqarpoq.

- Ataatsimiinneq sivisuvoq kisianni pitsaavoq. Partiit isummaminni nikisitassaanatik issianerannik isumaqanngilanga. Kisianni partiit soorunami isummatik ilungersuutigaat.

- Tamanna torersumik ataqqinnittumillu pivoq. Suliaq sivisuvoq. Inernera anguniakkamut naapertuuppat tamanna ajunngilaq, Mette Frederiksen sapaammi naalakkersuisoqatigiinnissamik isumaqatiginninniarnerup kingorna taama oqarpoq.

Sapaatip-akunnerata siuliani partiit ilaasa silap pissusia pillugu suliassaqarfik pillugu anguniakkaminnik saqqummiussipput. Tassanngaanniilli isumaqatiginninniarnerit aningaasaqarnermut tunngasorujussuupput.

Tassani partiit suliassaqarfiit ilaanni imminnut ungasipput, ingammik Radikale Venstrep nunanit allanit suliartortut amerlassusat annertusiniaramikkit, amerlanerillu aaqqissuusseqqinnikkut sulilersinniarlugit.

Suliffeqarfiup akorngusersorneqarnissaa aamma innuttaasut piareersimanatik suliffeqarfimmut pisinneqartarnissaat, SF-ip aamma Enhedslistenip ernumassutigaat.

Sivisuumik isumaqatiginninniartoqaraluartoq, taakku isumaqatigiinnginnerit sapaammi piupput.

Powered by Labrador CMS