Skip to main content

Mette Frederiksen: Issittoq pillugu naalagaaffiup isumannaatsuunissaanik politikkikkut suleqatigiinnissamik pisariaqartitsineq anneruliinnarpoq

Kim Kielsenip Kalaallit Nunaata tunineqarnissaanik itigartitsinera 'soorunami' suli taperserlugu, ministeriunerup tusagassiortunik katersortitsinermini attatiinnarpaa.

Tusagassiortunik katersortitsinermi orniguffiulluartumi, Issittoq aamma Kalaallit Nunaat pillugu qulequttat pingaarutillit suli amerlasut, ministeriunerup Mette Frederiksenip oqaatigaa.

- Aallarniutigalugu oqaatigissavara, Danmarkip aamma USA-p akornanni ajornartoortoqanngitsoq isumaqarpunga.

- Oqaloqatigiinneq ingerlaqqissaaq, taanna oqarpoq.

Tamatuma saniatigut, Donald Trumpip tikeraarnissani taamaatiinnarmagu uggoraa.

- Naalagaaffeqatigiinni periarfissat, minnerunngitsumillu Issittumi unammilligassat pillugit oqaloqatigiissutiginissaannut qilanaarsimagaluarluta oqaatigerusuppara.

- Unammilligassat USA-p aamma Naalagaaffeqatigiit akornanni nukittunerusumik aamma pilersaarusioqatigiilluni pisariaqartitsisut.

- Issittumut tunngatillugu USA-mik nukittunerusumik aamma pilersaarusioqatigiinnerusumik kissaateqarnerput allanngunngilaq, taamaalillunilu amerikamiunut pilersaarusioqatigiilluni suleqatigiinnissamut qaaqqusissut suli ammavoq.

- Taamaatitsinerup USA-mut attaveqarnerput allanngortinngilaa.

- Suleqatigiinnermut suli ineriartortissinnaassallugu neriuutigaarput, taamaalillutalu ataatsimoorluta unammilligassagut suliarisinnaallugit nunarsuarmut takutillugu. Tikeraarnissap taamaatinneqarnerani unammilligassat piujunnaartinneqanngillat.

- Kalaallit Nunaanninngaanniit uteqqammerpunga, sumiiffimmilu issittumiikkaannik, naalagaaffiit isumannaatsuunissaanut politikkikkut suleqatigiinnerup nukittorsarneqarnissaanut pisariaqartitsineq qularutissaanngitsoq ingerlaannaq takuneqarsinnaavoq.

Kalaallit Nunaata tunineqarnissaanik toqqaannartumik itigartitsineq eqqorluinnartuusoq, taassuma aamma naqissuserpaa.

- Kalaallit Nunaata tunineqarnissaanik oqallittoqarnerani, soorunami kalaallit qisuariaateqarput, taakkumiuku nunaat eqqartoripput. Kalaallillu Donald Trumpimut akissuteqarnerat tapersersussallugu naqissuserpara.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER