Mette Frederiksen Naalagaaffeqatigiinnermi naligiittoqarnissaanik kissaateqarpoq
Socialdemokratietip, Radikale Venstrep, SF-p aamma Enhedslistenip akornanni politikkikkut isumaqaitigiissutip, 'nukittunerusumik suleqatigiinnissaq' kissaatitgineqartoq naqissuserpaa.
Politikkikkut isumaqatigiissut, socialdemokraatit naalakkersuisoqatigiiliornerannut aqqutissiuussisoq, suliassaqarfinni Danmarkip Kalaallit Nunaanni aamma Savalimmiuni ingerlataanni nukittorsaanissamik neriorsuummik aamma imaqarpoq.
Naalagaaffeqatigiinneq pillugu isumaqatigiissummi ima allaqqasoqarpoq:
Danmark Naalagaaffeqatigiinnermut aamma ilaavoq.
- Naalakkersuisut nutaat naligiinnissamik, pitsaasumik aamma nukittorsakkamik Naalagaaffeqatigiinnermi tatigeqatigiinnermik ataqqeqatigiinnermillu tunngaveqartumik suleqatigiinnissamik kissaateqarput.
- Kalaallit Nunaat aamma Savalimmiut peqatigalugit danskit suliassaqarfii ineriartortissavagut.
Kalaallit Folketingimut ilaasortat marluk Aaja Chemnitz Larsen (IA) aamma Aki-Matilda Høegh-Dam (S) Mette Frederiksen isumaqatiginninniarluni ataatsimeeqatiginikuuaat.
Naligiimmik suleqatigiinneq ingammik Aaja Chemnitz Larsenimit (IA) qitiusumik piumasaqaataanikuuvoq.