Mette Frederiksen isumaqatiginninniarnernit siullernit neriuuteqarluarpoq
Naalakkersuisoqatigiinnissamut isumaqatiginninniarnerit aallarniutaasut naammassinerat pingasunngornermi nalliussineqarpoq. S-ip ministeriuninngortitsinissaq suli anguniarpaa.
Ullumi pingasunngornermi nalunaaqutaq 17 qaangilaaraa inatsisartut ataatsimiittarfiata matui Mette Frederiksenip tunuani maannamut naggammik matupput. Ulluni arlalinni partiit tapersersuisut SF, De Radikale aamma Enhedslisten isumaqatiginninniarfigai, ministeriunertut inissinneqassappat, sunik piumasaqaateqarnersoq.
Aningaasaqarnerup isumaqatiginninniutigineqarnerata kingorna – silap pissusia pillug, atugarissaarneq aamma allamiunut politikki pillugu isumaqatiginninniartoqarpoq, Mette Frederiksen neriuuteqarpasilluni taama oqarpoq.
- Amerlanerussteqartut nutaat annertuumik atorneqassasinnaapput, minnerunngitsumik inuiaqatigiit atugarissaartut annertusiartorlugit aamma silap pissusianut ajornartoorfiusumut iliuuseqarluta. Amerlanerussuteqarnerput piumagutta atorluarsinnaallutigu ullut takutitsiffigaatigut, Mette Frederiksen oqarpoq, nangillunilu:
- Ministeriunertut toqqarneqarnissara soorunami suli neriuutigaara. Amerlanerussuteqarneq taama kusanartigisoq atorneqassanngippat ajorluinnartutut isigissavara. Siulleq pitsaasumik ingerlavoq, taanna oqarpoq.