Mette Frederiksen folketingimut qinersisoqarnissaanik nalunaaruteqartoq
Novembarip aallaqqaataani qinersissaagut. Tamanna ministeriunerup Marienborgimi tusagassiortunik sivikitsumik katersortitsinerani paasissutissiissutigineqarpoq, ministeriunerup qineqqusaarneq pisortatigoortumik aallartinneqartoq ilisimatitsissutigimmagu.
Ministeriunerup Mette Frederiksenip (S) folketingimut qinersisoqarnissaanik aalajangersimanini dronning Margrethemut nalunaarutigisimavaa. Novembarip aallaqqaataani qinersisoqassaaq.
Ministeriuneq siammasissumik naalakkersuisuutitaqarnissaq anguniarlugu qineqqusaarniarpoq. Mette Frederiksenip taamaalilluni periuserisani allanngortippaa, maannalu partiimik ataasiinnarmik naalakkersuisuutitaqarnermut taarsiullugu partiinit talerperlerniittunit saamerlerniittunillu naalakkersuisuutitaqalernissaq anguniarlugu.
Marlunngornermi novembarip aallaqqaataani folketingimut qinersisoqassaaq, tassani Mette Frederiksen ministeriunissatut Konservativemeersumit Søren Pape Poulsenimit aamma Venstremeersumit Jakob Ellemann-Jensenimit unammillerneqarluni.
Isumasiuisimaneq kingulleq naapertorlugu, partiit saamerliit talerperliillu naligiilluinnartumik taaguunneqarnissaat naatsorsuutigineqarpoq, taamaammat ilaasortat atlantikup avannaaneersut naalakkersuisuutitaqalernissamut aalajangiisuusinnaapput.