tikeraaq

Mette F.: Kalaallit Nunaata qaqugu avissaarusunnerluni nammineq ullulissavaa

Partiip illua'tungiliuttup siulittaasua Mette Frrederiksen Kalaallit Nunaannut tikeraarpoq. Nunatta Danmarkimut atassuteqarnini nammineq aalajangissavaa

Socialdemokratit siulittaasuata Mette Frederiksenip aamma innuttaasut ataatsimiinnerat Qassimiuaarneq takuniarpaa

Danmark aamma Kalaallit Nunaat naligiillutik peqatigiipput.

Taamaattumik Kalaallit Nunaata nammineq aalajangissavaa namminersulivissaguni qaqugu tamanna piumaarnersoq.

Taamatut oqarpoq Danmarkimi partiip illua'tungiliuttup siulittaasua Mette Frederiksen, Socialdemokratini siulittaasunngornermi kingorna Kalaallit Nunaannut tikeraarngaartoq.

– Naalagaaffeqatigiinni peqatigiissuuvugut naligiissut, oqaluttuarisaanermik sivisuumik maannalu naalagaaffeqatigiinnikkut imminnut qilersorsimasurt.

– Kalaallit namminersulivinnissamik kissaateqarnerat ataqqilluinnarpara, paasisinnaalluarlugulu Kalaallit Nunaanni amerlasuut tamanna anguniaremassuk, Mette Frederiksen tallimanngormalli nunatsinnut tikittoq oqarpoq.

Taassuma nunatsinni angalanermini ilaatigut pulaarpai naalakkersuisut, illua'tungiliuttullu, inuinnaallu ilarpassui oqaloqatigalugit. Nammineq oqarneratut maaniinnermini nunat taakkua marluk assigiinngissuterujussui paasisaqarfiginerusimavai.

Kiisalu kalaallit piffissamik siunniussaqarnerulersimasut qaqugu nunap namminersulivinnissaanik piumasaqarnissaminnut.

Kalaallit Nunaat 2009-miilli namminersornerusimavoq, avataaniilli tapiissutit isumalluutigalugit.

Ukiutd tamaasa namminersorlutik oqartussat Danmarkimit ataatsimut tapiissutinit EU-millu tapiissutinit 4,7 milliarder koruuninik pisarpoq. Tassa naalagaaffimmi aataatsimut tunisat nalingisa 35 procentiinik.

Suli piffissaq ungasippoq Kalaalit Nunaata aatsitassaatiminik soorlu uuliamik gas-millu imaaneersumik kiisalu aatsitassanik qaqutigoortunik allanillu aningaasarsiulernissaanut. Avissaassagaluarutta ataatsimut tapiissutit atorunnaarsinneqassanersut Mette Frederiksenip eqqaanngilaa, taamatullu qaqugu namminersulivinnissaq ullulerumanagu.

– Kalaallit aalajangigasssaraat qaqugu namminersulivinnissamik aalajangeerusunnerlutik. Inuiaat naalagaaffiullu namminerluinnaq pisinnaaatitaaffigaat qanoq inissisimanissaq ineriartornissarlu kissaatiginerlugit, taanna oqarpoq.

Taamaasilluni Danmarki tamatumunnga sunniuteqartariaqanngilaq.

– Isumaqarpunga tamanna namminersornermut inatsisip tarnerigaa. Suleqatigiinnitsinni tamanna tunngaviusariaqarpoq.

– Danmarkimi politikkikkut tamanut ammasumik oqallinnitsinni naalagaaffeqatigiinneq imaqarnerusariaqaraluarpoq. Oqaluttuarisaanitta ilagaa pingaarutilik aammalu Kalaallit Nunaanni ulluinnarni pingaarutilik, Mette Frederiksen oqarpoq.

Siorna okdtobcarip 6-anni ataatsimiinnerit aallartimmatali KNR naapertorlugu qallunaat Kalaallit Nunaanni akisussaaffiinut Folketingip inatsisit inatsisillu ataatsimoortut arfineq-marluk suliarisimavai. Kisiannili Kalaallit Nunaanni nunap iluani pissutsinut politikkimi pissutsit imalunniit naalagaaffeqatigiinnerup oqaluttuarisaanera, naalagaaffeqatigiinni imaqarnerusariaqarpat?

– Ukiuni untritilinni qanimut oqaluttuarisaaneqarpugut annertuumik. Aammattaarli ilisimassavarput nunat pingasut maanna ataatsimooqatigiinnerat tamannalu pimoorullugu, Mette Frederiksen oqarpoq.

/ritzau/

Powered by Labrador CMS