Mersortarfik kalaallisuunik ujartuiffigineqarluartartoq

Mersortarfik Kittat takornariat najugaqavissullu pitsaanerusumik misigisaqartittarniarlugit kiisalu tunisassiorneq annertusiniarlugu arlalinnik suliniuteqalersimavoq.

Kommuneqarfik Sermersooq naapertorlugu mersortarfik Kittat nunarsuarmi kisiartaalluni qangaaniilli periutsit malillugit kalaallisuuliorfiuvoq.

Mersortarfiullu sullittakkat takornariallu Kalaallit Nunaannut uteqqingajalersut pitsaanerusumik misigisaqartikkusuppai.

Ataasinngornermi tallimanngornermilu suliat pillugit paasititsiniaasussanik pulaartunik angalaarussisoqartassaaq, Kommunerqarfik Sermersooq nittartakkamini allappoq.

Tamatumali malitsigisaanik pisiniarfiup pulaartut immikkut ukkatariniarlugit ammasarfini annikillisissimavai.

Juulip aallaqqaataa aallarnerfigalugu ataasinngornermi, pingasunngornermi tallimanngornermilu 12.30-miit 15.30-mut ammasalissaaq.

Amerlanerusunik kalaallisuuliortarniartoq

Ammasarfiit sivikinnerulersinneqarnerisigut amerlanerusunik kalaallisuuliortoqartalissaaq aamma kalaallisuunik pisiaqarusuttartut attartorusuttartullu piumasaat naammassineqarlunilu ammerinerusoqartalerniarpoq.

Taamaattumik ullut tamaasa ullaap-tungaani kiisalu marlunngorneq sisamanngornerlu ualikkut suliaqartarneq annertusineqassaaq.

- Sliagut ukkassinissamik piffissamillu pisariaqartitsiffiupput. Marlunngornermi sisamanngornermilu amminik nioqqutissiat sullitanit pulaartunillu akornusersorneqarpallaarata mersortarpagut. Akerlianilli ammanitta nalaani pulaarnermi misigisassat pitsaanerulertissavagut, Sofie Amondsen Kttani suleqatigiinnik aqutsisoq oqarpoq.

Kittat marlunnik mikisunik, Qeqertarsuatsiaani Kapisilinnilu immikkoortortaqarpoq, satellitsillu marluk atorlugit mersortartut qulingiluat amminik tunisassiortarlutik.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS