Meerartaarsinnaanngitsut ikiorserneqarnissamut periarfissaat annikillissapput

Kalaallit Nunaanni aappariit meerartaarsinnaannginnermut ikiorserneqarsinnaanerannut atatillugu Danmarkiliaassisarneq taamaatinneqassaaq

Meerartaarsinnaanngitsut Kalaallit Nunaanni ikiorserneqarsinnaanngitsut Danmarkiliaanneqartarnikuupput, tamannali 2018-mi decembarimili atuutsinneqarunnaarpoq. Naalakkersuisunit tamanna taperserneqarpoq.

Meerartaarsinnaanngitsut Rigshospitalimi ukiuni kingullerni arfinilinnit arfineq pingasullu akornanniittut ikiorserneqarnikuupput.

- Naalakkersuisutut pingaartippara aappariit meerartaarsinnaanngitsut neqeroorfigineqarnissaat. Taamaattumik aamma pingaaruteqarpoq naqissusissallugu Naalakkersuisut aalajangigaat neqeroorutit Kalaallit Nunaanni peqqinnissaqarfimmi neqeroorutigineqarsinnaanngitsut kisimik aalajangiiffigimmassuk. Aappariit meerartaarsinnaanngitsut kalallit nunaanni peqqinnissaqarfimmi ikiorserneqarnissaat suli ingerlanneqarsinnaavoq, peqqissutsimut naalakkersuisoq Martha Abelsen ilisimatitsivoq.

Ikiorsiinerit
IVF-imik ikiorsiisoqartarunnaassaaq.

- ICD-imik aamma ikiorsiisoqartarunnaassaaq, peqqissaasoqarfik ilisimatitsivoq.

Arnanik aamma angutinik suli misissuisoqartassasoq ilisimatitsissutigineqarpoq.

- Ukiumut sipaarutit minnerpaaffissamiittussaapput, ikiorsiinerni Peqqissaavik Danmarkimut angallassinermut aamma misissuinermut aningaasartuuteqarneq ajormat, ilisimatitsissutigineqarpoq.

Peqqinnissaqarfiup tungaaniit ilisimatitsissutigineqarpoq nuna tamakkerlugu ikiorserneqarnissamut neqeroorutip ilaatigut nunap illoqarfiini tamani nakorsaatit atorlugit mannissanik ineriartortitsisoqarsinnaasoq, aamma Ilulissani Nuummilu aapparisap anisuua atorlugu ikkutsiffigitinnissamut periarfissaqartoq.

Powered by Labrador CMS