københavn

Meeraq qimaannagaq inuunerminik ulorianartorsiunngilaq

Niviarsiaraq silami issiavimmi takisuumi Københavnimi nassaarineqartoq pillugu suliami politiit misissuinertik nangippaat.

Barnet blev fundet svøbt i dette tæppe

Naalungiarsuk marlunngornermi Københavnimi issiavimmi qimanneqarsimasoq nassaarineqartoq uumavoq. Meeraq maanna inuunerminik ulorianartorsiorunnaarsimasoq nalunaarutigineqarpoq, politiit pingasunngornermi ilisimatitsipput.

Meeraq nillertissimaqisoq Københavnimi Sydvestkvarterimi nassaarineqarpoq. Kommunimi sulisut niviarsiaraq tippimut poorneqarsimasoq qiasoq tusaavaat, politiinullu nalunaarutigineqarpoq.

Meeraq nassaarineqartoq Rigshospitaliliaanneqarpoq, tassani marlunngornermi ulorianartorsiornerarneqarpoq. Kisianni pingasunngornermi niviarsiaqqap pitsaassusaa pillugu nutaarsiassatsialaqarpoq.

Misissuineq nanginneqartoq, Københavnip politiivi Twitterimi pingasunngornermi nalunaarummi allapput.

Inoorlaamik ilaqutariinnik isumaginnissinnaasumik ujarlertoqaleruttortoq, kommuni marlunngornermi ilisimatitsivoq.

Hammelstrupvejimi biilit unittarfianni nalunaaqutaq 8.40 missaani nassaarinninneq pivoq, kingornalu politiit sumiiffik assersorpaat, suliami paasissutissanik nassaarniarlutik.

Inoorlaaq tippimi qasertumiissimavoq.

Københavns Kommune angajoqqaarsiassanik nassaarnissamut piareersimavoq, taakku sukkanerpaamik tigusisinnaassapput meeqqallu patajaannissaanut qulakkeerinnissallutik, Sten Kruse-Blinkenberg, marlunngornermi ilisimatitsivoq.

Powered by Labrador CMS