Meeraaqqeriviit: Aatsaat ukiut sisamat qaangiuppata inissamik qulakkeerinnittoqarsinnaasoq

Illoqarfiit pingaarnersaanni kommuni aatsaat ukiut sisamat qaangiuppata meeraaqqerivinni inissamik qulakkeerinnissinnaavoq. Paaqqinnittarfiit arfinillit matuneqassapput - amerlaqatai kisianni anginerusut - titartarneqarput, ingerlatsivik ilisimatitsivoq.

Meeqqanut Atuarfinnullu Ingerlatsiviup aningaasaqarnermut ataatsimiititaliamut ilisimatitsissuteqartoqarnerani pisortap Helene Brobergip nassuerutigaa, angajoqqaanngorlaat erninermut atatillugu sulinngiffeqareernermi kingorna meerartik meeraaqqerivimmi paaritittalerusukkunikkut inissamik qulakkeerneqarsinnaannginnera.

Ajornartorsiut ilisimaneqarluarpoq, kommunilu ilaqutariinnit Nuummut nuuttartunit amerligaluttuinnartunit unammillerneqarpoq.

Meeqqat amerlanerujussuit

2030-imi illoqarfik 0-nik 6-nut ukiulinnik 1977-it aamma 2754-it akornanni meeraqarnissaa naatorsuutigineqarpoq, ullumikkut meeqqat 1674-iusut.

Tamatuma meeqqanik paarsisarneq tatisimaneqalersippaa, ingerlatsivillu isumaqarpoq, meeraaqqeriviit ukioqatigiinngiiaanut meeqqeriviit nutaat ikinnerpaamik qulit ulluuneranilu meeraaqqeriviit meeqqeriviillu ukioqatigiinngiiaanut nutaat 15-it tikillugit atorfissaqartinneqassasut, inissamik qulakkeerinninnissamut politikerit piumasaqaataat naammassineqassappat.

Qaammammut erninerit 20-t

Meeraaqqerivinnut inissamik utaqqisunut allattorsimaffik ukiup ataatsip ingerlanerani elastikitut ippoq. 2019-ip naanerani meeraaqqerivimmut utaqqisut allattorsimaffianniittut meeqqat sisamat naatsorsuutigineqarput. Kisianni ukiup ingerlanerani qaammammut 20-nik ernisoqartarnerani ajornerpaagaangat meeqqat utaqqisut 74-iukkajuttarput.

Meeqqeriviit uku isaterneqassapput imaluunniit matuneqassapput:

  • Meeraaqqerivik Amaat – inissat 35-t
  • Meeraaqqerivik Ajaaja – inissat 35-t
  • Meeqqerivik Ernutaq – inissat 35-t
  • Meeqqerivik Sisi – inissat 30-t
  • Meeqqerivik Najaaraq – inissat 45-t
  • Paaqqinnittarfik Ungaaq – inissat 72-it

Illoqarfimmik ineriartortitsinermut ingerlatseqatigiiffik Nuuk City Development ukuninnga pilersaaruteqarpoq.

  • A: 2022-p aallartinnerani – init 8-t– meeqqat 120-t
  • B: 2022-p aallartinnerani – init 6 – meeqqat 88-it
  • C: 2023-p qeqqani – init 6 – meeqqat 88-it
  • D: 2023-p qeqqani - init 6– meeqqat 88-it
  • E: 2024-p aallartinnerani – init 6– meeqqat 88-it
  • F: 2024-p aallartinnerani – init 6 – meeqqat 88-it

Utaqqiisaasumik ininik sanaartortoqarsinnaanera aaqqiissutaasinnaasoq ingerlatseqatigiiffiup tikkuarpaa, kisianni ingerlatseqatigiiffiup aaqqiissut tamanna orniginartippallaanngilaa.

Navianartoq

- Aaqqiissummulli tassunga tunngatillugu, aaqqiissut taanna illunik piujuartunik sanaatornermut sanilliullugu akikinnerunaviarunanngilaq. Paaqqinnittarfiugallartunik sanaartornerup saniatigut pinnguartarfilinnik silamiiffiusinnaasunik pilersitsisoqassaaq, tamassumalu saniatigut illuugallartoq piujuartinneqaleriaannaapput, ingerlatsivimmi pisortaq Helene Berthelsen politikerinut ilisimatitsinermini taama allappoq.

Taassuma ukiut sisamat qaangiuppata inissamik qulakkeerinnittoqarsinnaalernissaa naatsorsuutigaa, kisianni aamma naliliineq arlalinnik nalilersuinernit aamma naatsorsuinernit aallaaveqartoq, taakkulu qularnaateqarsinnaasut.

Sulisunik amigaateqarneq

Ingerlatsinermut pisortap sulisussat pisariaqartinneqartut sulisussarsiornermik unammilligassaqarneq oqaaseqarfigerpianngilaa. Ingammik Nuummi isumaginninnikkut aamma meeqqanut ikiortinik atorfinitsitsiniarnermut tunngatillugu unammilligassaqartoqartoq, tamanna ilisimatitsissutigineqarpoq.

Aningaasaqarnermut ataatsimiititaliap ullumi nalunaaqutaq 14.00 aallartittussami ilisimatitsissut ataatsimiititap ataatsimiinnerani ilisimatitsissutigineqassaaq.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS