Meeqqqat sila pillugu nittartakkakkut ataatsimeersuartinneqalersut

NAKUUSA ukioq manna nuna tamakkerlugu Meeqqat Isumersorfiinik arfineq-marluusunik ataatsimeersuartitseqqilerpoq, tassani najukkani silap pissusaata allanngoriartornerinut atatillugu inersimasunut oqartussanut ataatsimut innersuusiussallutik.

Meeqqat Isummersorfii arfineq marluk oktobarimili najukkani silap pissusaata allanngoriartornera misissortarsimavaat.

Nakuusap 2022-mi meeqqanut ataatsimeersuartitsinera sisamanngornermi ulloq. 8. december 2022 ingerlanneqassaaq.

Sammisaq tassaassaaq najukkani silap pissusianut unammilligassat aamma silap pissusianut iliuuseqarneq, Nakuusamit meeqqat pisinnaatitaaffinik nukittorsaanermi peqataatitsinermilu Unicef Danmarkimik Naalakkersuisunillu suleqateqarluni tusagassiorfitsigut nalunaaruteqarnermi ilisimatitsissutigineqarpoq.

Tassani allassimavoq, ukioq manna NAKUUSAp nuna tamakkerlugu Meeqqat Isumersorfii arfineq marluusut Meeqqat Ataatsimeersuartinnerani kingumut katersuutsilerai.

Naalakkersuisut Siulittaasuat peqataassasoq

Meeqqat Isummersorfii arfineq marluusut oktobarimi aallartillutik najukkaminni silap pissusianut tunngatillugu suut unammilligaanersut misissorpaat Meeqqallu Ataatsimeersuarneranni saqqummiussinissaminnut piareersimallutik.

Nakuusamit ilisimatitsissutigineqarpoq, ataatsimeersuarneq nittartakkatigut ingerlanneqassasoq.

Tamatumunnga pissutaavfoq, ataatsimoorlutik Naalakkersuisunut, borgmesterinut inersimasunullu allanut innersuussuteqartussaanerat.

Tusagassiorfitsigut nalunaarut naapertorlugu, Naalakkersuisut Siulittaasuat meeqqat tusarnaarniarlugit apeqqutaannullu akissuteqarniarluni ataatsimeersuarnermut peqataassaaq. Vivi Fleischer meeqqanut sammisaqartitsissaaq Ivaanalu tusarnaartitsissalluni.

Powered by Labrador CMS