Skip to main content

Meeqqeriviup igalaavanit meeraq nakkartoq

Nukappiaraq marlunnik ukioqartoq meeqqerivimmit 1. salimit sisamanngormat nakkarpoq - qujanartumik annertunerusumik ajoqqusinngilaq

Meeqqerivimmi Soralumi Nuummiittumi nukappiaraq marlunnik ukioqartoq sisamanngornermi nalunaaquttap 16.00-ip missaani igalaamit nakkarpoq. 

- Nukappiaraq pingasuliingajalersoq Meeqqerivik Soralup eqaarsaartarfianit igalaavanit nakkarpoq. Sulisut ingerlannarlutik ambulancenut sianerput, Kommuneqarfik Sermersuumi meeqqanut, inuusuttunut atuarfeqarfinnullu immikkoortortaqarfianut pisortaq Flavia Lyberth Sermitsiaq.AG-mut oqarpoq. 

- Qujanartumik annertunerusumik nukappiaraq ajoqqusinngilaq, kimillanneqalaaginnarpoq, Flavia Lyberth oqarpoq. 

Meeqqerivik Soralumi igalaakkut siullermeertumik nakkartoqanngilaq. 

- Siullermik nakkartoqarmat eqaarsaartarfiup igalaavi misissorneqarput. Igalaat amerlanerpaartai iluarsineqaraluarput, taannarpiamili iluarsineqanngitsumi nukappiaraq nakkarpoq, tamanna ajuusaarutigeqaarput, Flavia Lyberth oqarpoq. 

- Pisumut akisussaaffimmik tunniussisoqassaaq, taamatummi pisoqartussaanngikkaluarpoq. Siunissami taamatut pisoqaqqinnginnissaa anguniarlugu iluarsiisoqassaaq, Flavia Lyberth oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER