Meeqqat umiatsiamik tillillutik Nuummukartut
Niviarsiaqqat marluk sapaammi unnuakkut Qoornumi Nuup Kangerluani umiatsiamik tillipput, politiit ilisimatitsipput.
Niviarsiaqqat marluk paaqqinnittarfimmit Qoornumi nunaqarfiusimasumi Nuup Kangerluaniittut, sapaammi unnuakkut umiatsiamik aallarussillutik Nuummukarput.
Pigaartut pisortaat Carl Sværd taama oqaluttuarpoq.
Meeqqat pineqartut, pigaartut pisortaat oqaluttuarpoq, umiatsiamik Qoornumi aallarussisoqarsimasoq politiit nalunaarfigineqarsimasut oqaluttuarpoq, ullaarlu nal. 08.22 umiatsiaq Nuup avataani meeqqanik marlunnik inulik siumorneqarpoq.
Niviarsiaqqat angalanerup kingorna qujanartumik ajunngillat, sapaammilu ullaap tungaani politiinit paarineqarput. Isumaginninnermi oqartussat ilisimatinneqartut pigaartut pisortaat oqaluttuarpoq.
Piffissap sivikitsup ingerlanerani politiit Qoornumi pisunik aappassaanik suliaqarput.
Sapaatip akunnerani kingullermi politiit nunaqarfiusimasumukarput, nukappiaqqap 17-inik ukiullip perorsaasoq savimmik kilertissimammagu, kingornalu sioorasaarisimammat.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...