sisimiuni mianersoqqussut
Meeqqat umiatsiaaqqanik gumiibådinillu aallarussisaqattaartut
Sisimiuni ukiukitsut arlallit allat umiatsiaaraannik gummibådiinillu aallarussisartut pasineqarput
Sisimiuni Qeqqani Politiit umiatsiaaqqanik gummibådinillu aallarussisoqartarneranik nalunaarutinik arlalinnik piffissami kingullermi tigusaqartarput.
Pingaartumik nuannaariutinik umiatsialiveqarfimmit.
- Politiit paasiniaanerisigut pinerlussimasut paasineqarput, taakkualu ilaat arlallit 15-it inorlugit ukioqarnerat paasinarsilluni, nunap immikkoortuani aqutsisoq, Johan Davidsen, oqaluttuarpoq.
Tilllinniaqattaarnerpassuit
- Tamanna nalinginnaasumik unnuakkut pisarpoq, meeqqat angajoqqaatik ilaginagit aneertarmata, Umiatsianit aallaasinik, imassanik, aquuteralannik orsussamillu tillittoqartarsimavoq. Qeqqata Politiivi aamma isumaqarput, meeqqat ilaat arlallit benziinamik gassimillu aamma naamaartarsimasut.
Illoqarfimmi politiinit kaammattuutigineqarpoq meeqqat ukiukitsut unnuakkut kisimiillutik aneertannginnissaat angajoqqaat eqqaamassagaat. Isumaginninnermi oqartussat sulianik tamakkuninnga ilisimatinneqarsimapput, politiit nalunaarput.