Meeqqat umiatsiaaqqamik aallarussisimasut motoorimik unittoorsimasut
Politiit ullaaq manna angallatitertik Sisak, Nuup eqqaani Akianut meeqqanik inuusuttunillu arfineq-pingasunik aallartissimavaat. Taakku umiatsiaqqamik aallarussisimapput motoorimillu unittoorlutik.
Politiit piffissami kingullermi inuusuttut meeqqallu Nuummi unnuakkut eqqissiviilliortitsisut orniguffigisarsimavaat.
Politiit sisamanngornermi ullaakkut angallatertik Sisak politiillu marluk, meeqqanik inuusuttunillu illoqarfimmit umiatsiaaqqamik aallarussisimasunik aallertissimavaat.
- Umiatsiaaqqamik aallarussisimaput Akianullu ingerlaanerminni motoorimik unittoorsimallutik, Kalaallit Nunaanni Politiit pigaartuisa pisortaat Aqqaluk Petersen oqarpoq.
Umitsiaaqqami motoori unittoormat, namminneerlutik politiinut sianersimapput ikioqqullutik. Pigaartut pisortaat naapertorlugu, umiatsiaaqqami arfineq-pingasuusunit ataasiinnaq 15-it sinnerlugit ukioqarpoq - ilai meeraanerullutik.
Aqqaneq-marlunnik ukiullit aalakoortut
Politiit aamma sisamanngornermi ullaassakkut niviarsiaqqat marluk aqqaneq-marlunnik ukiullit aalakoortut naapissimavaat. Niviarsiaqqat angajoqqaavinut angerlaanneqarsimapput.
Pingasunngornermi unnuakkut aamma ajortoqarsimavoq, tassa Nuummi Atuarfik Samuel Kleinschmidtip (ASK) ingalaavi arlallit aserorterneqarsimagamik.
Pigaartut pisortaat naapertorlugu, meeqqat ujaqqanik milloorlutik igalaanik aserorterisimapput.
Politiet: Angajoqqaat nakkutiginnittariaqarput
- Takunnissimasunik oqaloqateqarsimavugut pasisaqarpugullu, taakkulu meeraapput, pigaartu pisortaat oqarpoq.
AAMMA ATUARUK: Nuuk: Inuusuttut katersuuttarnerat persuttaanermik aserorterinermillu nassataqartartoq
Taassuma taamaammat illoqarfimmi angajoqqaanut sakkortuumik kammaattuutigaa:
- Angajoqqaat inuillu isumassuisut allat, aasaanerani atuarunnaarfimmi immaqalu allanik sammisassaqanngiffimmi, meeqqamik unnuakkut aneertarneranni immikkut nakkutiginninnerusinnaapput, Aqqaluk Petersen oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...